首頁 即時娛樂

拍MV同男主角跳貼身舞 泳兒自爆男友監場

26/09/2020 09:00:00
泳兒同男主角貼身舞,搞到男友都要監場。
泳兒同男主角貼身舞,搞到男友都要監場。

泳兒(Vincy)剛推出今年第一首派台作品《溝渠暢泳》。去年年初,Vincy找來合作多年的詞人周耀輝為整年的歌曲擔任概念指導,輝哥與Vincy決定以「花」作為主線,透視她心中的種種遐想。



Vincy表示歌曲創作靈感來自英國詩人OscarWilde的名言:「We are all in the gutter, but some of us are looking at the stars.」她認為這是一句很大鼓勵性的說話,「我哋生活裏面成日都會遇到一啲解決唔到嘅問題,或者一啲挫折,感覺就好似跌入咗溝渠,但無論遇到乜嘢困難都好,有啲人係永遠都抱住一個奮鬥嘅精神、好正面嘅態度,就算跌入溝渠,佢都可以望到天上面嘅星星,永遠有希望。」Vincy透露一收到歌詞自己在家中練歌時一度爆喊,「非常之有血有肉,雖然佢嘅描述得非常之抽象,但有好多句子我覺得係直插入我心裏面。」至於作曲方面則找來第二次合作的馮穎琪,去年她為Vincy寫了《花心》,今年再挑戰難度,Vincy說:「我問佢點解會寫《溝》俾我?佢話因為覺得寫完《花心》俾我之後我可以再挑戰一首難度更高嘅歌曲。」



MV中,Vincy飾演男主角心中的陰暗面,要令男主角馴服於她,導演Matthew要求二人以舞蹈表現出來,因此MV中二人有不少親密接觸,Vincy笑說:「導演話要同佢跳舞,其實前幾日我睇到reference嘅時候,我以為係一隻好優雅、好似跳華爾茲呢啲舞,點知一埋位原來係要貼身咁跳。因為MV入面我係要控制佢,而佢係一個冇靈魂嘅人撻咗喺我身上。初初都有啲尷尬,頭幾shot係有啲崩緊,慢慢就進入咗狀態。」問到Vincy跟男主角跳貼身舞是否要得到男友批准?Vincy說男友有「監場」:「佢都喺現場……幫我整頭,哈哈!」

泳兒MV中與男主角要貼身跳舞。
泳兒MV中與男主角要貼身跳舞。
男主角仲要唔着衫,搞到泳兒初初都有啲尷尬。
男主角仲要唔着衫,搞到泳兒初初都有啲尷尬。

泳兒早前為新歌《溝渠暢泳》拍攝MV。
泳兒早前為新歌《溝渠暢泳》拍攝MV。

其他文章
hd