首頁 即時娛樂

【零避忌】用煙花蠟燭整蠱細仔  喬寶寶唔怕食飛沫蛋糕

29/09/2020 11:30:00
喬寶寶覺得錢搵唔晒,他寧可趕返英國為細仔慶祝17歲牛一。
喬寶寶覺得錢搵唔晒,他寧可趕返英國為細仔慶祝17歲牛一。

月前返港拍完電影《時代》及中印獨立電影《我男友係好差》,喬寶寶經已返回蘇格蘭「交人」,因為答應過,喺9月21日現身陪細仔「喬寶貝」慶祝17歲生日,呢個老竇果然守信用。細仔生日當天一家人開開心心,齊齊食印度餐,因為疫情關係,要嚴守社交距離,喬家分兩枱座,每枱規定大人唔可以超過6個人。

 

不過,一家人圍埋切蛋糕仍然相當溫馨,喬寶寶仲用潮物,煙花蠟燭整蠱囝囝,玩嘢話17歲要吹夠17次,蠟燭先可以熄滅。聽話囝囝好用力係咁吹,口水花噴晒喺蛋糕面,好搞笑,但喺疫情下,係人都怕怕飛沫喎!喬寶寶接受頭條娛樂訪問時就堅持話冇有怕:「怕咩呀?都係屋企人食返(蛋糕)啫!其實每次吹親蠟燭,一定有口水喺蛋糕度,不過,佢係特別吹得犀利嘅,唔緊要啦,等佢開心啲囉!」

 

由於細仔病行動不便,喬寶寶最想兒子身體健康,繼續活躍:「我都半退休囉!𠵱家多啲時間畀佢,同佢做運動,等佢健康成長。」

 

提到新冠肺炎毒疫情肆虐英國,當地單日確診人數持續上升,蘇格蘭格拉斯哥大學疫情更大爆發,而港府亦因應英國疫情惡化,決定將英國列入高風險地區名單。居於格拉斯哥嘅寶寶坦承自己好邪:「冇辦法,我跟住疫情走,當日香港大爆發時,我喺印度飛返嚟派口罩;到香港疫情緩和時,我就飛返去疫情最嚴重嘅英國;上兩個幾月前再返香港時,香港疫情再爆發,嗰陣時成個蘇格蘭確診數字係有史以嚟跌到最低,𠵱家香港疫情受控,相反蘇格蘭情況惡化,真係命裡有時終需有,命裡無時莫強求,所以都唔驚得咁多囉!」

 

喬寶貝用力勁吹煙花蠟燭,吹到一蛋糕面都係口水,疫情下零避忌。
喬寶貝用力勁吹煙花蠟燭,吹到一蛋糕面都係口水,疫情下零避忌。
因疫情關係,細仔生日會要分兩枱坐。
因疫情關係,細仔生日會要分兩枱坐。

細仔蛋糕上有他肖像。
細仔蛋糕上有他肖像。
雖然英國生活較平實,但和家人及兄弟一齊,樂也融融。
雖然英國生活較平實,但和家人及兄弟一齊,樂也融融。

喬寶寶同陳欣妍拍中印獨立電影《我男友係好差》。
喬寶寶同陳欣妍拍中印獨立電影《我男友係好差》。
喬寶寶大讚好神陳欣妍又靚又冇架子。
喬寶寶大讚好神陳欣妍又靚又冇架子。
之前留港拍電影《時代》。
之前留港拍電影《時代》。
喬寶寶陪多啲細仔,仲親自為兒子理髮。
喬寶寶陪多啲細仔,仲親自為兒子理髮。
喬寶寶好邪追住疫情走,去到邊度都疫情大爆發。
喬寶寶好邪追住疫情走,去到邊度都疫情大爆發。
其他文章
hd