首頁 即時娛樂

【頭條戲場】《魔鬼對決》一個黐線佬遇上另一個黐線佬

30/09/2020 21:30:00
追殺場面緊湊,打鬥場面兇狠,可以話冇悶場。
追殺場面緊湊,打鬥場面兇狠,可以話冇悶場。



韓國最新犯罪電影《魔鬼對決》由《白頭山:火山浩劫》及《上流寄生族》團隊製作,兩大影帝黃晸玟及李政宰加朴正民,玩復仇玩血腥玩親情玩人性。電影好有舊港產黑幫片味道,動作戲好睇,你追我避超緊張,三位演員表現一貫精彩,最重要冇乜廢話,睇得好爽,幾好。撰文:廖思慧

故事講述黃晸玟飾演的殺手仁南刺殺完日本黑幫大佬是枝後就金盆洗手退出江湖,一條友去巴拿馬過埋下半世。不過黑幫大佬個細佬雷(李政宰飾演)好嬲,發誓要搵個殺手出嚟隊冧佢。呢位阿雷好厲害,用盡一切方法去摷出同仁南有關嘅人再問仁南去向,得知殺兄仇人去咗泰國即Follow,然後戰場由日本去到泰國。

黃晸玟飾演的殺手仁南一向我行我素。
黃晸玟飾演的殺手仁南一向我行我素。
李政宰飾演嘅阿雷勁殘忍,佢一出手冇人可以生還。
李政宰飾演嘅阿雷勁殘忍,佢一出手冇人可以生還。

究竟仁南去泰國做咩?去救人,去救一個9歲小妹妹,一個去救人,一個去殺人,咁樣嘅故事點會唔緊張?全片超多動作場面,唔只埋身打仲要無數咁多槍戰,嘭嘭嘭嘭嘭到個人好精神,係誇張嘅亦唔係好合邏輯,個篤篤車司機載住阿雷哥去冧友,司機喺槍林彈雨下乜事都冇,仲要揸得手車幾穩定,Well。

仁南喺泰國避阿雷追殺。
仁南喺泰國避阿雷追殺。
仁南去救人,阿雷追到上門。
仁南去救人,阿雷追到上門。

戲中所有動作場面都由黃晸玟及李政宰親身上陣,劇組亦安排多部攝影機同時拍攝,以捕捉不同角度,所以拍攝前要不斷綵排,黃影帝稱:「其他電影嘅動作戲,大部分都係預先排好唔會真打,但今次所有人都係嚟真,拍攝時亦穿上護身工具。其實人體好奇妙,如果喺極度緊張嘅情況下就唔會咁痛。」

至於李影帝就表示:「打鬥場面,劇本都寫得好簡單。只寫兩人對打,結果拍攝時,可能要面對一次打7、8個人嘅情況。原本以為拍2小時就收工,結果拍咗4日3夜。」

壓軸介紹朴正民,鱷魚頭老襯底,開口錢埋口錢,但心地好人又勇猛,為充滿血腥味嘅電影加添一點甜。


電影將於myTV SUPER 獨家上架
上架日期:2020年10月1日 (myTV SUPER猛片特區獨家上架)
費用 :$70 (觀賞期:48小時或至節目最後觀賞期限為止(兩者以較早者為準)

兩大影帝鬥戲,好精彩。
兩大影帝鬥戲,好精彩。
兩人拳來腳往全部親身上陣。
兩人拳來腳往全部親身上陣。
除咗拳腳仲有武器。
除咗拳腳仲有武器。
阿雷好喪,中咗槍都繼續追殺仁南。
阿雷好喪,中咗槍都繼續追殺仁南。
尾段有勁多開槍場面。
尾段有勁多開槍場面。
左面係朴正民,幫咗仁南一個好大嘅忙。
左面係朴正民,幫咗仁南一個好大嘅忙。
仁南所救嘅小妹妹。
仁南所救嘅小妹妹。
其他文章
hd