首頁 即時娛樂

【頭條獨家】激讚陳欣妍靚女冇架子 喬寶寶「葡萄」女神被奪銀幕初吻

29/09/2020 23:15:00
喬寶寶「葡萄」女神被奪銀幕初吻。
喬寶寶「葡萄」女神被奪銀幕初吻。

定居蘇格蘭嘅喬寶寶返咗香港個幾月,拍完電影《時代》及中印獨立電影《我男友係好差》,賺咗一袋金後,日前平安返抵屋企「慰妻」喇!今次寶寶返港最開心有機會同「女神」陳欣妍合作拍電影,「佢靚女又好笑容,仲冇架子,好Pro,喺佢身上搵唔到負面嘢,導演真係好有眼光!」被激讚嘅陳欣妍(Shirley)面紅紅,話要同寶寶上契做父女喎!採訪:方騫平 場地:THE [email protected]興業街

陳欣妍樣靚身材正,有唔少宅男粉絲。
陳欣妍樣靚身材正,有唔少宅男粉絲。
喬寶寶猛讚陳欣妍,搞到Shirley話要認寶寶做契爺。
喬寶寶猛讚陳欣妍,搞到Shirley話要認寶寶做契爺。

《我男友係好差》係一部籌備咗兩年嘅獨立電影,講述一個中國籍少女同印度男孩喺香港發生嘅愛情故事,並帶出香港及印度獨有文化。喬寶寶最難忘係配合南印度家庭習俗,有場戲要用手去食咖哩飯,令他唔多習慣,反而Shirley演得好自然。Shirley即說:「其實我唔Pro,只係平日習慣用手拎嘢嚟食,咁拍前先消毒雙手嘅。」

甜笑陳欣妍好正。
甜笑陳欣妍好正。
導演Sri Kishore、成家宏、陳欣妍、喬寶寶合作拍中印電影,相當合拍。
導演Sri Kishore、成家宏、陳欣妍、喬寶寶合作拍中印電影,相當合拍。

拍親熱戲唔使同男友備案
而陳欣妍最難忘獻出銀幕初吻:「嗰場戲講要同成家宏(Karan Cholia)Goodbye Kiss,我喊到流晒眼淚同鼻涕,咁嘅樣都嚟錫我,佢更加專業啦!」Shirley冇畀男方嘅鬍鬚拮親,反而覺得有鬚嘅男人好Man,拍前亦唔使同男友沈震軒備案,因為工作係專業嘅。而成家宏就讚Shirley幾好錫,在旁嘅喬寶寶帶點葡萄說:「佢有好多宅男Fans㗎,你因住被打呀!咁靚女,就算流晒鼻涕,十個男人有十個都肯啦!我拍戲以嚟,只係喺《張保仔》錫過黃智雯隻腳咋!」至於導演Sri Kishore就大讚Shirley似鄰家女孩,最啱演呢個角色。

疫情下陳欣妍徒手食飯,一啲都唔避忌。
疫情下陳欣妍徒手食飯,一啲都唔避忌。
片中楊卓娜、陳欣妍、成家宏、喬寶寶最後大團圓結局,變成中印一家親。
片中楊卓娜、陳欣妍、成家宏、喬寶寶最後大團圓結局,變成中印一家親。
返到屋企,老婆同阿仔話要同佢隔離,只得家中兩隻小狗最黐身。
返到屋企,老婆同阿仔話要同佢隔離,只得家中兩隻小狗最黐身。
當日拍《張保仔》,寶寶只錫過黃智雯隻腳。
當日拍《張保仔》,寶寶只錫過黃智雯隻腳。
其他文章
hd