首頁 即時娛樂

同兩歲兒子開30人生日P 張震嶽High爆伸脷

30/09/2020 09:00:00
囝囝兩歲生日,張震嶽仲興奮過囝囝。
囝囝兩歲生日,張震嶽仲興奮過囝囝。

46歲的張震嶽同老婆小涵拍拖7年,18年9月初為人父母,一向熱愛戶外運動嘅張震嶽最鍾意帶埋個仔去行山去海邊玩,有時又會同老婆去露營享受二人世界,生活相當寫意。曾經講過唔識同小朋友溝通,不過一有時間就會孭住囝囝同帶住愛犬出去曬太陽呼吸新鮮空氣。

屋企簡單佈置生日汽球,一家三口影張合照先。
屋企簡單佈置生日汽球,一家三口影張合照先。
父母肉緊錫錫囝囝。
父母肉緊錫錫囝囝。

上周係張震嶽嘅餅印囝囝小谷沐嘅兩歲生日,呢位老竇好有心,叫埋大班朋友,有大有細返屋企開生日Party,咁多人一定好嘈,最難得冇限聚令又唔使戴口罩,一班大人同細路玩足一日,最重要間屋夠大,可以喺屋企一角Set個汽球池,一班小朋友喺入面玩到癲晒,鬼殺咁嘈,張太拍片期間,張震嶽更笑晒伸晒脷入鏡,仲忍唔住舉起Rock And Roll手勢。呢位有型老竇話囝囝玩咗成日,夜晚九點沖完涼即刻瞓著,而佢亦跟住瞓咗,不過張太厲害,「剩下媽媽們續pa到凌晨兩三點!」

30人嘅生日Party,好開心呀。
30人嘅生日Party,好開心呀。
屋企嘅汽球Corner。
屋企嘅汽球Corner。

張震嶽伸晒脷做晒手勢。
張震嶽伸晒脷做晒手勢。
張震嶽屋企好大,個廳大到可以同仔玩追逐,一個踩板,一個踩單車。
張震嶽屋企好大,個廳大到可以同仔玩追逐,一個踩板,一個踩單車。
張震嶽好鍾意孭住囝囝去行山。
張震嶽好鍾意孭住囝囝去行山。
小谷沐真係同張震嶽好似樣。
小谷沐真係同張震嶽好似樣。
出世無耐嘅小谷沐,好似蠟筆小新呀。
出世無耐嘅小谷沐,好似蠟筆小新呀。
其他文章
hd