首頁 即時娛樂

【女人的浪漫】胡杏兒嘆住靚酒打住卡煞科 沈卓盈晒船P性感相谷新劇

30/09/2020 12:00:00
杏兒透露煞科戲於遊艇上開住船P拍攝。
杏兒透露煞科戲於遊艇上開住船P拍攝。

由胡杏兒、吳千語、沈卓盈(Jess)及吳家麗等主演的ViuTV新劇《熟女強人》前晚(28日)啟播,當晚監製伍健雄相約一眾演員食住飯睇首播,出席的包括家麗姐、千語、Jess、陸詩韻、曾樂彤和何佩瑜(Jeana),難得重聚,大家都表示好興奮好開心,惟劇中7姊妹獨欠杏兒一人,甚為可惜。因工作未能現身飯局的杏兒,連日來都好盡責地於社交網貼拍攝花絮照谷劇,昨晚她就分享了在遊艇拍攝的船P煞科戲的短片,並留言:「同班強人姊妹嘆住香檳,享受陽光開工……嚟緊有唔同嘅氣氛場口會陸續出現,希望大家要繼續追看。」

當日仲可以嘆住美酒佳餚煞科。
當日仲可以嘆住美酒佳餚煞科。
7女又把握時間再夕陽美景下瘋狂打卡。
7女又把握時間再夕陽美景下瘋狂打卡。

片中,杏兒又表示在夕陽靚景下,嘆住美酒與佳餚又可以一邊打住卡煞科,感覺好浪漫,她說:「浪漫呢樣嘢唔單止同男人,同女人都可以好浪漫。」而Jess昨日亦於IG公開7女於船上拍的靚相,當中最資淺的曾樂彤雖然大騷白滑長腿,但上身卻穿長袖兼笠救生衣,非常密實;至於Jess和Jeana就穿上低胸裙稍稍露出事業線,不過都唔及身旁的陸詩韻咁養顏,事關她以比堅尼披薄紗外套上陣,隱約晒出34D巨咪;而最搞笑是個頭吹到亂晒的千語,她幾乎張張相都俾頭髮遮晒塊面,好狼狽。

其間好大風。
其間好大風。
吹到大家頭都亂晒。
吹到大家頭都亂晒。

千語(左三)連樣都唔見埋。
千語(左三)連樣都唔見埋。
好在最後都有一張見得街。
好在最後都有一張見得街。
(左起)Jeana、家麗姐、陸詩韻、Jess、曾樂彤和千語前晚相約食飯睇首播。
(左起)Jeana、家麗姐、陸詩韻、Jess、曾樂彤和千語前晚相約食飯睇首播。
因工作缺席的幸兒惟有FaceTime加入大家。
因工作缺席的幸兒惟有FaceTime加入大家。
其他文章
hd