首頁 即時娛樂

貼父女照推介「出土」真人騷 朱茵都幾識宣傳

30/09/2020 17:00:00
《想想辦法吧!爸爸》有得睇嘞。
《想想辦法吧!爸爸》有得睇嘞。

前幾年,內地親子真人騷爆紅!《爸爸去哪兒》系列長拍長有,18年,該系列前導演即邀請黃貫中(Paul)、朱茵、洪天明及周家蔚等明星家庭開拍《想想辦法吧!爸爸》,由星爸帶住子女去旅行,經歷唔同氣候及地區,考驗一眾星爸嘅湊仔能力。

朱茵公開父女拍攝花絮照。
朱茵公開父女拍攝花絮照。
就嚟8歲嘅黃鶯。
就嚟8歲嘅黃鶯。

不過之後因為「限童令」等政策關係,內地所有親子Show都要延播甚至暫定拍攝,已拍畢的《想想辦法吧!爸爸》雖已公開預告花絮亦未能播映。

今日,朱茵喺ig貼出一堆老公黃貫中同就嚟8歲嘅囡囡黃鶯玩緊嘅相,留言:「寶貝女兒跟我說:『想跟媽媽去旅行』我說:『媽媽在拍戲還不能去』但我們可以看《想想辦法吧爸爸!》節目上線了!我們一家人可以隔着屏幕見面。成功借囡囡嚟公告天下,《想想辦法吧爸爸!》終於出土嘞。

睡夢中嘅黃鶯。
睡夢中嘅黃鶯。
朱茵拍緊戲所以未能帶囡囡去旅行,咁其實而家都唔適宜去旅行啦。
朱茵拍緊戲所以未能帶囡囡去旅行,咁其實而家都唔適宜去旅行啦。

朱茵喺《想想辦法吧爸爸!》中問囡囡鳳梨係咩色?囡囡答黃色,Paul即話係黑色,因為黑鳳梨(即喜歡你),隨即自彈自唱幾句《喜歡你》,媽呀,睇到好老尷。
朱茵喺《想想辦法吧爸爸!》中問囡囡鳳梨係咩色?囡囡答黃色,Paul即話係黑色,因為黑鳳梨(即喜歡你),隨即自彈自唱幾句《喜歡你》,媽呀,睇到好老尷。
黃貫中仲會係節目中攬住讚老婆百看不厭。
黃貫中仲會係節目中攬住讚老婆百看不厭。
一家三口幾溫馨,Paul最後仲會錫錫老婆。
一家三口幾溫馨,Paul最後仲會錫錫老婆。
其他文章
hd