首頁 即時娛樂

【唔係呀嘛】質疑女神陳欣妍外貌進化史  喬寶寶:係咪普通師奶咋?

30/09/2020 20:19:00
陳欣妍女神2.0大變身,喬寶寶打死都唔信係同一個人。
陳欣妍女神2.0大變身,喬寶寶打死都唔信係同一個人。

啱啱返咗去蘇格蘭同老婆及兒子「交人」嘅喬寶寶,離港前鬼咁開心,因為可以同到樣靚身材正,34C「女神」陳欣妍(Shirley)合作拍中印獨立電影《我男友係好差》,有額外「花紅」梗係特別醒神啦!既然一拍即合,兩人仲話升呢上契做埋契父女添,感情真係好到不得了㗎!不過,所謂「人怕出名豬怕肥」,喺疫情下仍然頻接廣告嘅「女神」Shirley即被大踼爆,搵返佢喺2016年出道前3年(原名陳曼姿)嘅舊相嚟對比,相中不論鼻樑、下巴、面型都判若兩人,尤其冇咗驚嚇嘅闊大豬膽鼻,完全改做成為另一個人咁!同19歲時比較,Shirley完全係經歷過宇宙超級大進化!




陳欣妍同喬寶寶合作拍中印獨立電影《我男友係好差》,他猛讚對方好索。
陳欣妍同喬寶寶合作拍中印獨立電影《我男友係好差》,他猛讚對方好索。
同一個角度,陳欣妍連眼神都相同,但個樣就唔同晒。
同一個角度,陳欣妍連眼神都相同,但個樣就唔同晒。

反問點解會爭咁遠
頭條娛樂記者考吓寶寶眼光,畀7年前Shirley參加銅鑼灣地帶「型男潮女大賽」參賽相畀喬寶寶睇,問吓佢知唔知相中人係邊個?寶寶不以為意回答:「普通人囉,普通師奶…估唔到呀!」記者只好畀貼士:「咩師奶呀?係女神呀?」喬寶寶即用懷疑聲調,加埋唔多層次笑聲反問:「唔係Shirley呀?哈哈哈哈…係咩?你哋點樣發覺到係佢?點解會爭咁遠嘅?咁大轉變嘅?點樣轉變得咁犀利呀?外國定係香港醫生(整容)呀?完全兩個人呀!嗰醫生一定發達啦!否則點解可以爭咁遠?我覺得係惡搞多啲,如果真係Shirley,應該一早就畀人踼爆咗啦…呢個世界真係有奇蹟㗎!」


冇咗當日嚇人豬膽鼻。
冇咗當日嚇人豬膽鼻。
五官、身形完全唔同晒。
五官、身形完全唔同晒。

堅持上契唔會縮沙
隔咗陣,仲係難以置信嘅喬寶寶唔多「順氣」,主動搵返頭條娛樂記者「理論」,語帶堅定話:「我睇嚟睇去,到𠵱家都唔相信呢個係我女神呀!因為細睇連牙齒、身形都唔同晒,如果係真,咁佢都幾懂得為自己部處,由樣貌、牙齒、身形…全面改造先加入娛樂圈。」問到𠵱家寶寶仲會唔會視Shirley係女神,收佢做契女呢?寶寶堅決道:「照契!因為做任何一樣嘢,有動搖就好難成功。佢係我女神,地位不變,因為佢真係索,而且始終唔相信相中人係佢,唯一驚嘆科技發達及醫生優質技術,可以令到一個人脫胎換骨。」咁寶寶可唔可以接受喬嫂嫂進化2.0?他則馬上說不:「我對咗佢30年,如果一吓子改變,好難會接受。」

第一階段進化經已冇咗豬膽鼻,下巴都變尖咗。
第一階段進化經已冇咗豬膽鼻,下巴都變尖咗。
陳欣妍以女神姿態接咗好多廣告。
陳欣妍以女神姿態接咗好多廣告。
陳欣妍(左)及「Double S」另一成員沈殷怡,憑《美女郊遊遊》性感Look行山打響名堂。
陳欣妍(左)及「Double S」另一成員沈殷怡,憑《美女郊遊遊》性感Look行山打響名堂。
當年陳欣妍都好貪靚,
當年陳欣妍都好貪靚,
家陣全面變索,成個女神Look冇得輸。
家陣全面變索,成個女神Look冇得輸。
19歲參賽時模樣,當年樣貎和現在判若兩人,而22歲正式入行後,她由原名陳曼姿改藝名為陳欣妍。
19歲參賽時模樣,當年樣貎和現在判若兩人,而22歲正式入行後,她由原名陳曼姿改藝名為陳欣妍。
19歲時陳欣妍參加銅鑼灣地帶「型男潮女大賽」,當時用返原名陳曼姿參加,即3號參賽者。
19歲時陳欣妍參加銅鑼灣地帶「型男潮女大賽」,當時用返原名陳曼姿參加,即3號參賽者。
睇真啲,其實陳欣妍喺變身前同媽咪都幾似樣,尤其個鼻同對眼。
睇真啲,其實陳欣妍喺變身前同媽咪都幾似樣,尤其個鼻同對眼。
其他文章
hd