首頁 即時娛樂

【頭條獨家】處男拍戲上晒癮 ERROR好多搞笑Idea想搵金主支持

19/10/2020 23:12:00
ERROR拍處男戲《翻生爭霸戰》拍到上晒癮。
ERROR拍處男戲《翻生爭霸戰》拍到上晒癮。

男子組合ERROR雖然行搞笑騎呢路線,但冇乜人爭飯食,就算喺疫情下都有廣告拍,成功殺出一條新血路。而最近上映的電影《冥通銀行特約:翻生爭霸戰》係ERROR處男作,片中飾演「陰間攝製隊」,雖然戲份唔多,但相當搶戲,193仲笑言:「拍完電影後好似『升呢』電影明星。」肥仔認同話:「我哋返唔到轉頭!」採訪:方騫平 化妝:Circle Chong @ Annie G. Chan Makeup 髮型:Lydia Yung @ Chic Private I Salon 場地:Kowloon Party Room

ERROR喺疫情下反而有廣告接,收入仲可以維持到生活。
ERROR喺疫情下反而有廣告接,收入仲可以維持到生活。
《翻生爭霸戰》係ERROR處男作,片中飾演「陰間攝製隊」,搞鬼得嚟相當搶戲。
《翻生爭霸戰》係ERROR處男作,片中飾演「陰間攝製隊」,搞鬼得嚟相當搶戲。

電影《冥通銀行特約:翻生爭霸戰》係ERROR出道僅3個月時的作品,首次拍戲的4人超級開心,保錡更說:「希望有更多人搵我哋casting,唔使casting都得,我哋可以直接入戲。」

成套戲只曝光十幾秒

193自爆就算客串拍《翻生》,背後付出好多:「我哋對足10幾個鐘頭戲,諗住一roll機可以即嚟,只可惜第一日開工因為天雨,等足8個鐘最後取消。」肥仔話,喺等待期間我哋試咗幾個唔同演出版本畀導演揀,希望展現到4人嘅唔同風格,點知導演唔接納,最後只係出得十多秒!阿Dee笑言唔緊要:「今次學識咗喺片場,每秒都係錢嚟,要尊重規則,一埋位就準備充足可以演出。」

保錡有唔少做特約演員經驗,拍戲對他來說冇難度。
保錡有唔少做特約演員經驗,拍戲對他來說冇難度。
ERROR有唔少節目做,今年6月時拍過ViuTV嘅《ERROR自救TV》。
ERROR有唔少節目做,今年6月時拍過ViuTV嘅《ERROR自救TV》。

保錡想拍真人騷電影

點解搵ERROR做串星?保錡嘗試揭開迷思:「導演話睇完我哋嘅牙膏廣告,聽聞我哋係有名嘅YouTuber,但我哋唔敢認呀…其實我出道前經已有戲拍,尤其演超多黑社會『茄哩啡』,因為係金毛,命中機會好高,特約演員有800蚊酬勞,《鴨王2》入面我做Bartender要衝出去打人;而阿Dee都拍過《鴨王》、《同囚》等,《鴨王》中佢做主角嘅好朋友,好似傻仔咁俾人打!」阿Dee接住說:「其實我同保錡可以擔正黑社會戲。」保錡提議再有機會拍戲嘅話,可以開套「ERROR日記」,一定做到低budget,高收視:「好似多年前由黃霑做VO嘅記錄片《大鹹濕》咁,我哋可以翻拍真人Show《大ERROR》,錄影我哋嘅私生活。」阿Dee卻唔同意:「我偏向拍古裝,好似現代金裝四大才子咁,拍我哋4個點樣去搵大錢?希望金主畀600萬支持我哋開呢套戲。」保錡卻一嘢打沉他說:「有600萬嘅話我折現算嘞。」

保錡入ERROR前演過超多黑社會戲嘅「茄哩啡」。
保錡入ERROR前演過超多黑社會戲嘅「茄哩啡」。
去年曾喺旺角開Show全場滿座,4子都有一班fans㗎!
去年曾喺旺角開Show全場滿座,4子都有一班fans㗎!
ERROR之前扮台灣F4宣傳新歌《我們很帥》。
ERROR之前扮台灣F4宣傳新歌《我們很帥》。
其他文章
hd