首頁 即時娛樂

【頭條獨家】疫情緩和後首個實體音樂會 糖兄妹十年經歷迷失及無奈

19/10/2020 23:40:00
轉眼出道十周年,糖兄妹十年間經歷迷失及無奈。
轉眼出道十周年,糖兄妹十年間經歷迷失及無奈。

糖兄妹轉眼出道十周年,除了推出EP《Sugar Box》外,他們更會在10月24日於海洋公園怡慶坊舉行《糖兄妹預見十年音樂會》,係疫情緩和後第一個實體音樂會,糖兄妹多年嚟冇合體,故糖妹既興奮又期待。雖然疫情反覆,但糖兄話香港人防疫意識做得唔錯,應該ok嘅。如果反應好,仲想開多一場。採訪:方騫平

糖兄妹出道十周年搞作多多,除合體開Show外仲會出埋EP《Sugar Box》,之後睇啱時間先合體,貴精不貴多。
糖兄妹出道十周年搞作多多,除合體開Show外仲會出埋EP《Sugar Box》,之後睇啱時間先合體,貴精不貴多。
EP《Sugar Box》相當有心思,一見到即刻諗起電影《再見螢火蟲》,而罐內有3吋細碟,及於日本拍攝的相片外,仲有紙巾信物及用嚟換領今次音樂會嘅車票。
EP《Sugar Box》相當有心思,一見到即刻諗起電影《再見螢火蟲》,而罐內有3吋細碟,及於日本拍攝的相片外,仲有紙巾信物及用嚟換領今次音樂會嘅車票。

糖兄妹一直好希望開到實體演唱會嚟紀念出道十周年,同歌迷嚟一個集體回憶。可惜受疫情影響,計劃一拖再拖,點知突然有個快期,兩人就捉緊機會。糖妹話平日訓練有素,隨時可以上台演出;糖兄反而有啲擔心及緊張,因為好耐冇喺現場彈,不過好快會Pick up返。

糖兄妹初出道時曾攞過好多組合獎。
糖兄妹初出道時曾攞過好多組合獎。
對上一次合體演唱會係8年前嘅事,所以大家都好期待。
對上一次合體演唱會係8年前嘅事,所以大家都好期待。

糖妹曾經無晒信心
糖兄妹異口同聲話時間過得好快,亦見證住同期歌手王灝兒(JW)、林奕匡、吳若希、連詩雅及CAllstar等成長,糖妹說:「太開心,我哋仲做到鍾意做嘅嘢,咬住自己夢想開到飯。」提到十年間辛酸史,發展得算係順風順水嘅糖妹都話有迷失過㗎:「有段日子同糖兄分開發展,大家焦點落喺我電視主持及演戲方面,嗰刻感覺冇晒信心,大家係咪唔再聽我唱歌呢?有少少無奈,但都要生活。」至於糖兄就話兩人分開時間都幾長,曾有啲混亂,懷疑仲算唔算係組合?但只要搵到定位就冇問題,反而成日俾人大大聲話『佢係一個星嚟㗎?』有啲難頂,不過,有咁多年經歷,仲有乜好介意呢?呢十年嚟我哋反而學到識得溝通,會互相忍讓。」糖妹好開心話:「不枉十年嚟嘅相處,呢刻我哋嘅成熟程度識得排解問題,仲成為默契更加好嘅組合。」

就算身穿華麗晚裝,但糖妹話,呢個甫士先係佢真本性。
就算身穿華麗晚裝,但糖妹話,呢個甫士先係佢真本性。
糖兄妹到日本拍《離心力》MV。
糖兄妹到日本拍《離心力》MV。
2013年,糖妹同陳嘉寶、吳嘉熙、賴慰玲、王敏奕等拍攝《女人俱樂部》。
2013年,糖妹同陳嘉寶、吳嘉熙、賴慰玲、王敏奕等拍攝《女人俱樂部》。
其他文章
hd