首頁 即時娛樂

被富貴男友寸嚟影相呃Like JW球僮Look打網球減肥

20/10/2020 13:00:00
JW晒打網球照,男友Tarzan就寸她嚟齋打卡。
JW晒打網球照,男友Tarzan就寸她嚟齋打卡。

JW(王灝兒)因為抗疫陪卓悅太子爺男友葉韋彤(Tarzan)密密食,所以食到「幸福肥」,早前就被《頭條日報》影到身形脹卜卜,結果JW終於「的」起心肝減肥,不時於IG晒打吓乒乓波、做吓Gym照,8月中更透露已成功揈走13磅!見最近天氣轉涼,JW亦轉戰戶外運動,繼月初望住個海夜跑後,昨晚她又重返網球場搓波,仲懶Chok地拎住個波同球拍擺出「網紅半跪地Pose」影相,JW寫道:「BACK AT ITTTT   (Tennis)Full gear.」次次都好識做積極留言的Tarzan今次又抵死寸女友:「影完相走咗?」JW即反擊:「一定好過你!」大耍花槍!

JW懶Chok拎住個波同球拍擺出「網紅半跪地Pose」影相。
JW懶Chok拎住個波同球拍擺出「網紅半跪地Pose」影相。
杏兒老公李乘德就笑她似球僮多啲。
杏兒老公李乘德就笑她似球僮多啲。

此外,老是常出現的胡杏兒老公李乘德亦打趣道:「You look like a ball girl more than the one playing tennis.(你似球僮多過似嚟打波。)」JW笑指對方睇穿呢個Pose正有此意。

經常於女友Po下留言的Tarzan抵死寸JW:「影完相走咗?」二人大耍花槍!
經常於女友Po下留言的Tarzan抵死寸JW:「影完相走咗?」二人大耍花槍!
見天氣轉涼,JW月初就走到戶外望住個海夜跑。
見天氣轉涼,JW月初就走到戶外望住個海夜跑。

其他文章
hd