首頁 即時娛樂

【流口水】疫情緩和還片債 張兆輝隔離三日已操到四舊腹肌

21/10/2020 11:30:00
返內地開工嘅輝哥趁喺酒店隔離日子狂操肌,三日經已操到四塊腹肌。
返內地開工嘅輝哥趁喺酒店隔離日子狂操肌,三日經已操到四塊腹肌。

疫情緩和,向來係搶手貨嘅實力派演員張兆輝即返內地開工,皆因演出每套內地劇集都熱播,好似《北上廣不相信眼淚》演活成熟、溫柔及睿智角色,熟男魅力增添好多女fans,最近TVB播緊嘅《錦繡南歌》,輝哥憑「沈將軍」一角俘虜唔少粉絲,另與言承旭合作嘅《我好喜歡你》,輝哥飾演言承旭型男父親,簡直冇得輸。



張兆輝啱啱拍完劇集《飛虎之壯志英雄》後馬上返內地還片債,輝哥喺酒店隔離期間,除咗喺社交網分享人生哲理、生活點滴及攝影作品外,網民聚焦喺他運動成果,見他隔離第三天,已操出強壯臂彎及結實胸肌,身形完全唔輸畀小鮮肉,輝哥寫道:「導演要六舊腹肌,現在第三日已見有四舊,睇情況可能夠時間六舊。」網民見到輝哥猛男身形,即心心眼留言:「突然流鼻血,去止一止血先。」、「太fit了,輝哥好厲害。」、「爆炸身形,看的人直流口水。」、「太有誘惑力了」。

 

原來輝哥平日係宅男,所以喺酒店唔怕悶,反而更專心做運動,不過,酒店方面怕他會悶,反而送來砌圖,讓他拼出「前世情人」張卓姿(Twiggy)個靚樣,他開心留言說:「隔離第十天,我想說我是一個宅男,所以隔離十四天對我來說不會悶,送片模給我!不是吧…看見慢慢成形之後,那麼突然還是有驚喜的,謝謝隔離酒店的心意,真貼心。」網民大讚少女Twiggy好靚女,其實輝哥好鍾意囡囡呢張相,係同學互相拍照嘅作品,輝哥形容為同學仔派他的「福利」。輝哥好疼錫妻女,仲自備「一家四口」專屬私家杯,去到邊都會跟身,酒店內都見有,充滿愛。

展示結實手臂線條。
展示結實手臂線條。
酒店豪華套房有埋健身器材。
酒店豪華套房有埋健身器材。

酒店方面怕他會悶,特地送嚟砌圖畀輝哥拼囡囡靚相。
酒店方面怕他會悶,特地送嚟砌圖畀輝哥拼囡囡靚相。
拼圖製成品放喺當眼處。
拼圖製成品放喺當眼處。

呢張咁有仙氣嘅囡囡相係英國同學仔影嘅,輝哥相當滿意。
呢張咁有仙氣嘅囡囡相係英國同學仔影嘅,輝哥相當滿意。
酒店入面見到輝哥自備嘅「一家四口」專屬杯,輝哥成日用私家杯嚟嘆茶。
酒店入面見到輝哥自備嘅「一家四口」專屬杯,輝哥成日用私家杯嚟嘆茶。
輝哥仲分享攝影作品,好有大師級水準。
輝哥仲分享攝影作品,好有大師級水準。
輝哥出名係好老公及好爸爸。
輝哥出名係好老公及好爸爸。
張兆輝憑電影《催眠裁決》,獲得於中國安徽省舉行的《2019國影年度表彰盛典》「最優秀電影男演員獎項」,演技一定冇得彈。
張兆輝憑電影《催眠裁決》,獲得於中國安徽省舉行的《2019國影年度表彰盛典》「最優秀電影男演員獎項」,演技一定冇得彈。
張兆輝啱啱拍完劇集《飛虎之壯志英雄》後馬上返內地還片債。
張兆輝啱啱拍完劇集《飛虎之壯志英雄》後馬上返內地還片債。
張兆輝出動埋私伙靚衫拍《我好喜歡你》。
張兆輝出動埋私伙靚衫拍《我好喜歡你》。
最近TVB播緊嘅《錦繡南歌》,輝哥憑「沈將軍」一角俘虜唔少粉絲。
最近TVB播緊嘅《錦繡南歌》,輝哥憑「沈將軍」一角俘虜唔少粉絲。
張兆輝喺內地劇《「北上廣」不相信眼淚》演活成熟、溫柔及睿智角色,熟男魅力增添好多女fans。
張兆輝喺內地劇《「北上廣」不相信眼淚》演活成熟、溫柔及睿智角色,熟男魅力增添好多女fans。
其他文章
hd