首頁 即時娛樂

【入行25周年】疫情下公佈舉行紅館跨年騷 楊千嬅:呢條路係唔易行

21/10/2020 19:04:00
疫情下喺紅館開實體跨年演唱會嘅楊千嬅坦言要有勇氣。
疫情下喺紅館開實體跨年演唱會嘅楊千嬅坦言要有勇氣。

楊千嬅今年入行25年,早前拍攝紀錄片記下多年的歷程,就算喺疫情下仍冇無阻她再度踏上紅館舞台的決心。千嬅就今年在紅館舉行6場「MY Gratitude 25楊千嬅演唱會2020」跨年演唱會,於今日公佈詳情,

她表示,經過和主辦單位協商後,會捐出演唱會部分收益,給予母親的抉擇、香港現場演出及制作行業協會。是次演唱會不設售票處售票,公眾須經網上平台或電話購票。入場觀眾必須配合紅館要求,例如戴口罩、量體溫及分隔而座等。

千嬅坦言「呢條路係唔易行,不過我行咗25年,所以用一個演唱會紀錄自己過去難忘嘅事,今次係一個跨年騷,雖然有時睇唔到前路點行,不過自己要相信同有動力,我仍然相信有心跳就有希望,想將呢個正能量帶出嚟,喺我25年嘅演藝生涯中,最值得回憶係所有搏命嘅過程,其實我係一個超癲嘅人,決定做一件事就一定要到做為止.....但係人生最有意義並唔係得到過程,而係好實在咁活著,呢個滿足感好大。」千嬅覺得即使跌到周身瘀傷,或是成績未如理想,起碼她有去做過,因為曾經有做過,也需要好大的勇氣!此外,她正製作一張25周年唱片作為自己的一本紀念冊。

「MY Gratitude 25楊千嬅演唱會2020」是一個全新創作的演唱會,由舞台設計、歌單、服裝等等都是全新策劃。
「MY Gratitude 25楊千嬅演唱會2020」是一個全新創作的演唱會,由舞台設計、歌單、服裝等等都是全新策劃。
從呢張花絮相睇,千嬅突然變瘦喎。
從呢張花絮相睇,千嬅突然變瘦喎。

楊千嬅入行25年,所以用一個演唱會紀錄自己過去難忘嘅事。
楊千嬅入行25年,所以用一個演唱會紀錄自己過去難忘嘅事。
千嬅拍演唱會宣傳海報,老公丁子高緊張做監督。
千嬅拍演唱會宣傳海報,老公丁子高緊張做監督。

其他文章
hd