首頁 即時娛樂

【頭條獨家】太太兩周前已簽同意書拒絕急救 林子博喊住提老婆心願:「仔女長大要照顧爸爸」

22/10/2020 00:00:00
林子博喊住提老婆遺願:「仔女長大要照顧爸爸。」
林子博喊住提老婆遺願:「仔女長大要照顧爸爸。」

昨晨,去年確診罕見癌症「平滑肌肉瘤(腹腔)」的林子博太太董燕君(Shirley)不敵癌魔病逝,子博在社交平台寫下情深字句送別愛妻,一字一淚。早前子博為太太搞網上眾籌幹細胞治療醫藥費,可惜完成4針第一個療程後,對太太效用不大,離世前的肝、腎、肺腫瘤變大,影響排毒功能,出現腹水及水腫等症狀。子博上周接受《頭條日報》訪問時坦言老婆在兩周前已簽同意書拒絕急救(不能康復的僅維生治療),兼願意捐出眼角膜遺愛人間,子博相當無奈忍唔住流下男兒淚,講到太太心願,子博難過透露,「希望子女長大後要照顧爸爸。」採訪:方騫平 場地:eliment Fitlax

強忍淚水 上周五子博接受《頭條日報》訪問時講,到太太好似打定輸數並向他交待身後事,子博一臉無奈,強忍淚水。
強忍淚水 上周五子博接受《頭條日報》訪問時講,到太太好似打定輸數並向他交待身後事,子博一臉無奈,強忍淚水。
掉男兒淚

面對身邊人有重病,愛莫能助,林子博忍唔住流淚。
掉男兒淚 面對身邊人有重病,愛莫能助,林子博忍唔住流淚。

臨終前董燕君因為嚴重腹水及水腫再次入院抽水,仲要吊蛋白針補充營養,當時子博坦言相當擔心:「其實佢個肺、肝、腎一直都有事,但𠵱家嚴重咗,要聞氧氣同埋抽腹水,腹水頂住又痛唔想食嘢,佢一咳,全家好緊張佢,總動員去照顧佢,同佢摸背,畀佢聞氧氣」因為要貼身照顧,所以子博在家不能離開老婆三步以外範圍,亦理解到病人會特別嗲。

提老婆想放棄即喊
當時子博坦言好奇怪,覺得太太好似覺得自己出唔到院咁,「上次佢入院,醫生指佢身體太脆弱,有乜事做心外壓會壓爆佢啲胸骨,所以經已填咗拒絕急救書同埋決定捐眼角膜。」子博哽咽地說,「仲諗住,又唔好咁快咁消極,我哋仲有好多方法未試,好似中醫!當然我好欣賞佢呢份遺愛人間嘅情操。太太話,佢身上太多腫瘤,好多器官捐唔到,惟一可以捐到眼角膜,既然有咁多人幫過佢,佢都好想唔喺度時幫返有需要嘅人…我唔係好想聽到同唔係好想面對,因為好難面對…。」語畢,一直強忍淚水的子博即拎紙巾抹眼淚。

拒絕急救 太太兩周前已簽定捐眼角膜及拒絕急救同意書,好似預咗出唔到院,子博話好難接受。
拒絕急救 太太兩周前已簽定捐眼角膜及拒絕急救同意書,好似預咗出唔到院,子博話好難接受。
影家庭相

2013年結婚十周年時,子博帶子女去台灣影過一次家庭相,本計劃減肥成功後再影。
影家庭相 2013年結婚十周年時,子博帶子女去台灣影過一次家庭相,本計劃減肥成功後再影。

娛圈朋友送禮問候
待情緒稍為平伏,子博再說:「我有同仔女講過,無論太太喺唔喺度都好,我都要維持個家。其實太太知我係有主見嘅人,好放心交頭家畀我,太太亦有同仔女講,叫佢哋大個之後,就算結咗婚都要照顧爸爸。」當時子博提到未必再做第二個幹細胞療程,但都好多謝伸手幫他的每一個人:「小恩子搵朋友送嚟輪椅、拐杖、沖涼凳及氧氣機;古巨基、馬浚偉、何英偉等出錢支持,田蕊妮登門打氣,甚至有小朋友話捐出一百幾十零用錢,真係好感動,娛樂圈有情,人間有愛。」

做節目向難度挑戰

去年林子博老婆董燕君患重病,之後到他不獲TVB續約,子博要獨力撐起頭家,所以努力Keep Fit拍攝8集真人騷節目《大叔要變身》,記載屬於他的感人故事,太太仲會抱病出鏡為他打氣。首集節目已於10月11日晚在香港開電視77台播出,由於節目調動關係,第二集開始改於逢周六下午四點播出,子博首次孭起一個節目,對他意義重大:「因為太太擔心我冇工開,所以由佢搵導演速成件事。除咗會陸續請嘉賓,我仲會玩直立板,滑翔降傘向難度挑戰。」問到會否擔心玩到受傷?子博即以「該死唔使病」作回應,「要珍惜每一日,活得精彩,欣賞身邊人優點。」

咬緊牙關 林子博咬緊牙關,從健身發洩傷痛。
咬緊牙關 林子博咬緊牙關,從健身發洩傷痛。
抱病出鏡

太太抱病出鏡,力撐子博孭飛嘅真人騷節目《大叔要變身》,節目逢周六下午四點喺香港開電視77台播出。
抱病出鏡 太太抱病出鏡,力撐子博孭飛嘅真人騷節目《大叔要變身》,節目逢周六下午四點喺香港開電視77台播出。
可愛笑容 去年Shirley確診罕見癌症「平滑肌肉瘤(腹腔)」,就算化療甩晒啲頭髮,仍未見太辛苦,至少仲有啲笑容。
可愛笑容 去年Shirley確診罕見癌症「平滑肌肉瘤(腹腔)」,就算化療甩晒啲頭髮,仍未見太辛苦,至少仲有啲笑容。
未見效用

Shirley已完成4針第一個療程嘅幹細胞治療,雖然付出高昂醫藥費,但對她效用不大。
未見效用 Shirley已完成4針第一個療程嘅幹細胞治療,雖然付出高昂醫藥費,但對她效用不大。
愛妻離世 昨晨,子博在社交平台發文老婆離世消息並承諾會照顧好子女:「你放心走吧」。
愛妻離世 昨晨,子博在社交平台發文老婆離世消息並承諾會照顧好子女:「你放心走吧」。
識於微時

子博同古天樂識於微時,喺Shirley患病期間,古仔相當照顧他。
識於微時 子博同古天樂識於微時,喺Shirley患病期間,古仔相當照顧他。
阿田打氣 田蕊妮同子博識於亞視時,阿田對Shirley表示關心,並親自見面為Shirley打氣。
阿田打氣 田蕊妮同子博識於亞視時,阿田對Shirley表示關心,並親自見面為Shirley打氣。
送出物資

黎瑞恩搵朋友送嚟輪椅、拐杖、沖涼凳及氧氣機畀子博太太。
送出物資 黎瑞恩搵朋友送嚟輪椅、拐杖、沖涼凳及氧氣機畀子博太太。
其他文章
hd