首頁 即時娛樂

憶亡母愛貓感觸落淚  田蕊妮深切體會生死無常

22/10/2020 10:30:00
田蕊妮早前接受《音樂說》主持王耀祖訪問,大談人生經歷。
田蕊妮早前接受《音樂說》主持王耀祖訪問,大談人生經歷。

田蕊妮接受香港電台第二台音樂節目《音樂說》主持王耀祖訪問,細訴五味人生的轉變。演員身份最為人熟識的田蕊妮原來細個另有夢想,「我細個冇諗過做演員,同其他小朋友講我想做model,但我嗰時好肥,被佢哋笑我只可以賣孕婦裝,攪到自己都冇自信。」談及人生與音樂的淵源,田蕊妮定必要數到田爸爸,由於爸爸是鄧麗君歌迷,偶像歌曲成為伴隨她成長的兒歌,三歲的田蕊妮已能唱出整首《月亮代表我的心》。「因為由細到大我都鍾意唱歌,係受爸爸嘅薰陶,覺得自己唱歌好叻,後來就係爸爸叫我參加歌唱比賽而入行。」

提到離世的母親和愛貓,阿田不禁落淚。
提到離世的母親和愛貓,阿田不禁落淚。
16年田媽媽病逝,令阿田相當難過。
16年田媽媽病逝,令阿田相當難過。




田蕊妮自言自小性格高傲,常靠直覺判斷別人,讓初相識的人都為之卻步,然而老公杜汶澤讓她改變不少。勝出歌唱比賽後,她被公司投閒置散兩年,直至完成中五畢業,公司卻安排她參演劇集,「我最初好反感,我明明係歌手點解要我做戲。第一日埋位,導演叫我喺廠內望住個天有雀仔飛過,我反問佢『冇雀仔喎』,佢要我靠自己想像,但冇人教過我應該點做。」她感激當時導演很有耐性,沒有要求換角。後來有同事着她去認識杜汶澤,指對方是個戲癡,非常樂意分享演戲心得,「我喺亞視識阿澤嗰時,對做戲完全冇概念,我又唔鍾意睇戲,但佢每一句說話都離唔開做戲,係佢帶我了解戲劇嘅世界。」而啟發她學懂享受演戲,該是劇集《縱橫四海》首次合作的前輩葉德嫻,「Deanie姐同我講『一個演員係冇樣㗎,只要你投入飾演,每一個人都能夠成為發光體。』我嗰刻突然好似打咗支(強心)針,決心我要做發光體。」


去年,田蕊妮推出歌曲《最親》獻給天上的母親,她接受訪問時談到亡母仍不禁落淚。她有感母女之間關係既愛亦矛盾,甚至某天突然察覺父母年老的一面時,心理上都未能接受,「我覺得我太唔體諒阿媽,有時只覺得自己接受唔到佢老,接受唔到佢身體有問題。我仲以為佢有疑心病,所以亂諗嘢。」直至母親確診癌症,讓她學懂接受現實,珍惜還能共處的時光,讓她上了寶貴一課,「媽媽畀咗個經驗我去明白,要學習聆聽。而家就算奶奶或爸爸同我講咩,我都會盡量去了解老人家嘅諗法。佢亦令我真正體會到咩叫生老病死,係人生必經階段。」談到愛貓Momo月前突然病逝,讓田蕊妮再次上了生命的一課,她首次開腔憶述當日經過,「Momo嘅離世教識我咩係無常。成件事好突然,我當時仲同佢傾緊偈,讚佢好靚、好可愛,下一秒佢突然就心臟病發,嘭一聲就瞓低咗,好似做戲咁。原本好溫馨嘅畫面,下一刻我就攬住佢叫『唔好呀!』」當時她感覺全世界彷彿停頓了,不斷盼望能時光倒流,但現在已能釋懷。

阿田的愛貓Momo月前突然心臟病離世。
阿田的愛貓Momo月前突然心臟病離世。
訪問中,阿田亦有笑得勁開懷時候。
訪問中,阿田亦有笑得勁開懷時候。

其他文章
hd