首頁 即時娛樂

【頭條獨家】新歌獲四台流行榜冠軍 陳凱詠成環球新寵仍自卑

22/10/2020 11:30:00
陳凱詠有份作曲嘅《天生二品》奪四台流行榜冠軍,令她喜出望外。
陳凱詠有份作曲嘅《天生二品》奪四台流行榜冠軍,令她喜出望外。

環球唱片歌手陳凱詠(Jace)之前派台歌曲《天生二品》成為四台(港台、商台、新城、ViuTV 《Chill Club》) 流行榜冠軍歌,成績非常好。陳凱詠唔敢話自己係公司新寵,只說:「都係咁做,今年係唔容易嘅一年,疫情期間依然有歌出經已好感恩!」採訪:方騫平

《天生二品》MV中率性而為嘅畫面,係阿Jace平日嘅寫照。
《天生二品》MV中率性而為嘅畫面,係阿Jace平日嘅寫照。
顧定軒同陳凱詠識於微時,兩人互相支持。
顧定軒同陳凱詠識於微時,兩人互相支持。

《天生二品》對陳凱詠來說別具意義,因為是她跟音樂人馮翰銘及Hirsk聯手創作嘅作品,並交由鍾說填詞:「首歌有咁好成績,得到咁多人喜愛同支持,令到我成個人多咗自信。不過,始終現場演唱機會唔太多,實戰經驗唔夠,技術上仲有好多進步空間。疫症期間都比較多留喺屋企,留待遲啲先補慶祝。」

陳凱詠面對鏡頭時最有自信。
陳凱詠面對鏡頭時最有自信。
陳凱詠嫌作歌冇江海迦(AGA)咁好。
陳凱詠嫌作歌冇江海迦(AGA)咁好。

要增加自信
新歌係講無論天生特質係點,就算次品都好,只要接受自己天生嘅特質,都會變得好獨特:「填詞人太了解我,尤其寫到『我叫某某,要我更瘦,卻怕太似怨咒,眼圈太大,遮遮砒霜,化作正常…天生就別要自卑。』呢啲係畀我同埋聽眾好好嘅忠告,要畀多啲自信自己。」問她有乜咁自卑?Jace即說:「唔夠靚,唔夠叻,彈琴冇涂毓麟(Oscar)咁正;作歌冇江海迦(AGA)咁好;唱歌冇李幸倪(Gin Lee)咁好聽。」講完後,Jace又認為咁樣比較冇意思。 MV中陳凱詠會彈來彈去聽歌冇時停:「呢個畫面似係我屋企嘅寫照,我會賴床、歌播到好大聲、喺睡房度周身扭,不過,有時53歲阿媽會好high咁同我一齊跳,佢教我跳Cha Cha㗎!父母係我Top Fans咁,似我經理人咁,乜都問到好清楚,等我第日叻啲嘅時候,先叫佢哋出嚟分享我嘅舞台。」

Jace又話自己唱歌冇李幸倪(Gin Lee)咁好聽。
Jace又話自己唱歌冇李幸倪(Gin Lee)咁好聽。
陳凱詠話自己彈琴不及涂毓麟(Oscar)咁正。
陳凱詠話自己彈琴不及涂毓麟(Oscar)咁正。
疫情下Jace keep住行山做運動。
疫情下Jace keep住行山做運動。
其他文章
hd