首頁 即時娛樂

克服恐懼處女下海拍新歌MV Aka兩件頭上陣晒42吋長腿

22/10/2020 14:16:00
Aka早前為新歌《Fearless》的MV到大嶼山取景。
Aka早前為新歌《Fearless》的MV到大嶼山取景。

Super Girls隊長Aka(趙慧珊)近日推出本年度第二首Solo新歌《Fearless》,歌曲意旨人生路上雖會遇到不少恐懼或憾事,但只要以正確心態面對,學懂擁抱恐懼,即能將恐懼化作進步的動力。為配合新歌主題,不諳水性的Aka日前為拍MV獻出人生的第一次,除了首度在熒幕前以泳裝示人,大晒纖腰及42吋修長美腿外,她更克服恐懼在海中挑戰玩直立板(SUP)!雖然Aka要在水中浸足數小時,且被大浪擊倒連番跌落海,但表現專業的她未有氣餒,仲愈拍愈起勁,她表示:「第一次嘗試喺海中用直立板玩平衡力,感覺既興奮又緊張,亦係暫時最難忘嘅MV,現場好大浪,淨係攞住直立板落水都被大浪衝倒好多次,感覺驚驚哋,之後出海考平衡力,都跌咗好多次落海,飲咗好多海水,有一刻在海中,發現自己對腳掂唔到地,真係好驚。」

Aka首次在熒幕前以泳裝示人,大晒纖腰及42吋長腿!
Aka首次在熒幕前以泳裝示人,大晒纖腰及42吋長腿!
不諳水性的Aka更克服恐懼在海中挑戰玩直立板。
不諳水性的Aka更克服恐懼在海中挑戰玩直立板。

拍攝當日適逢氣溫回落,陣陣涼風吹到Aka震騰騰,要不斷飲薑茶暖身,其間Aka媽媽亦有「監場」,問到媽媽是否不放心她落水拍攝?Aka說:「細個我試過浸親,所以不熟水性,佢有啲擔心我今次拍攝,亦都擔心我會凍親,於是嚟睇吓,仲煲咗大煲薑茶嚟!」提到今次以兩件頭泳裝上陣,Aka直言有點尷尬:「從未試過着泳衣拍MV,第一次着三角褲,第一次咁大膽。」為了以最Fit身形示人,事前她亦做足準備工夫:「本身有操開(Gym),為了今次MV,事前再操多啲,而且戒食甜品,冇得食我最愛嘅雪糕同乳酪。」

Aka直言淨係攞住直立板落水都被大浪衝倒好多次,感覺驚驚哋。
Aka直言淨係攞住直立板落水都被大浪衝倒好多次,感覺驚驚哋。
Aka指《Fearless》是她暫時最難忘的MV。
Aka指《Fearless》是她暫時最難忘的MV。

此外,對於新歌內容提及恐懼及憾事,Aka笑言其人生中多的是:「其中一樣,之前我跳芭蕾舞,因為要讀預科,冇爭取入讀演藝學院,對我來說是一件遺感嘅事,但我總覺得人生冇遺憾,先係遺憾。」

其他文章
hd