首頁 即時娛樂

【頭條獨家】若單身乜都去體驗 沈卓盈搵出租男友○氹開心

22/10/2020 21:01:00
沈卓盈謂,若然單身乜都會去體驗,更會搵出租男友𠱁自己開心。
沈卓盈謂,若然單身乜都會去體驗,更會搵出租男友𠱁自己開心。

沈卓盈(Jess)離開娘家TVB後,最近首度參與ViuTV劇集,在《熟女強人》中飾演證券行財經分析師「馮大師」,她笑言食正花名「沈大師」好有趣,但要搵老公惡補財經知識。劇中單身的她既有下屬洪卓立冧,又同part-timeboyfriend(PTBF出租男友)駱振偉有感情,她坦言若仍是單身,都會試試搵PTBF○氹吓自己開心。講到老公,Jess大讚對方百分百支持她工作,所以順其自然不急於生BB。撰文:杜淑霞 攝影:譚壹致 髮型:Green Cheung @AdmiX Hair Styling 化妝:Phoebe Yung @phoebeyung

沈卓盈雖然離開TVB,但疫情下工作冇停過,「真係好感恩,除了拍電視劇、又有健康節目同埋電影。」
沈卓盈雖然離開TVB,但疫情下工作冇停過,「真係好感恩,除了拍電視劇、又有健康節目同埋電影。」
劇中洪卓立飾演Jess下屬「梓謙」勁冧她。
劇中洪卓立飾演Jess下屬「梓謙」勁冧她。



沈卓盈在劇中周旋於洪卓立演的下屬「梓謙」,與駱振偉演的PTBF「Jamie」之間,現實中已是人妻的Jess坦言,若然仍是單身都會嘗試PTBF,「我會嘗試吓㗎!呢個世界好open嘅,𠵱家日本同韓國都興呢樣嘢,同埋唔係大家想像中咁,只係行吓街食吓嘢,係陪伴嘅形式,係single乜都去體驗吓。」Jess話若然單身會揀個多才多藝的PTBF○氹自己開心,「譬如表演魔術、或者打吓側手翻,我覺得幾好笑,或者佢影相好靚,影相靚好加分,又要幽默,無時無刻都可以講吓啲爛gag○氹到我笑,咁畀錢先畀得抵,我係消費者嚟嘛!」

駱振偉在劇中演勁識𠱁女的PTBF 「Jamie」,搞到Jess神魂顛倒。
駱振偉在劇中演勁識𠱁女的PTBF 「Jamie」,搞到Jess神魂顛倒。
Jess去年2月下嫁內衣商人Calvin。
Jess去年2月下嫁內衣商人Calvin。



談到劇中最難忘戲份,Jess不得不提跟一班姊妹齊齊睇猛男脫衣舞,「真係好瘋狂,喺個禮物箱度跳出嚟,跟住跳啲舞又好sexy,我係未睇過嘅,第一次現場感受,大家嗌到黐咗線,興奮過港男,仲要不停重拍,唔係跳一次喎!真係拍得好開心,大家叫到失控,呢啲真係好好嘅福利,唔使畀錢睇。」講其他囝囝好開心,但Jess不忘讚老公好體貼,除了教她財經知識幫助演繹「大師」角色,仲好支持她發展演藝事業,「佢百分之一百支持,因為佢知道我鍾意做嘢,如果我喺屋企Stay多兩日就會嗌悶。」所以兩人有共識生BB順其自然,「其實係有planning嘅,生BB呢樣嘢我由始至終都係覺得隨緣啦!都係人生部份,一定會實行,但會選擇隨緣啦!」

花名「沈大師」的Jess超索,就算單身應該都唔使搵PTBF。
花名「沈大師」的Jess超索,就算單身應該都唔使搵PTBF。
Jess跟《熟女》一班姊妹相處融洽,仲話想跟她們合作拍真人騷。
Jess跟《熟女》一班姊妹相處融洽,仲話想跟她們合作拍真人騷。
其他文章
hd