首頁 即時娛樂

【頭條獨家】醉酒鬧事浪子變慈父 疫情下仔女主動黐身 鄭中基獨門方法引囡囡做功課

22/10/2020 21:28:00
鄭中基坦承在疫情下一對仔女主動變得黐身,他更有獨門方法𠱁囡囡做功課。
鄭中基坦承在疫情下一對仔女主動變得黐身,他更有獨門方法𠱁囡囡做功課。

鄭中基(Ronald)最近首度孭飛ViuTV下周推出新劇《暖男爸爸》,劇中他飾演患有嚴重抑鬱症的單親爸爸「阿榮」,跟囝囝「暴龍哥」打理便利店相依為命。要演爸爸難唔到有一對分別5歲和9歲仔女的Ronald,他有獨門方法教細路,諗計引囡囡每日乖乖就範自動波做功課,他坦承疫情下確實跟仔女關係更好,他們會主動黐住他傾偈,所以他○氹劇中「兩個」囝囝相當熟手,不過他否認是暖男,只識趕一對仔女去父母家,跟老婆余思敏去拍拖。演抑鬱症患者更考起Ronald,事前除做大量資料搜集,仲要靠回憶當年在航機上醉酒鬧事後,那種抑鬱絕望心情幫助投入角色。撰文:杜淑霞 攝影:李維隆 髮型:[email protected]_hk 化妝:Mon Chun @monzichunmakeup 服裝:@initialfashion @initialgentleman

講起一對仔女,Ronald可以滔滔不絕,好難想像當日的浪子會變成眼前這慈父。
講起一對仔女,Ronald可以滔滔不絕,好難想像當日的浪子會變成眼前這慈父。
雖然今年只剩兩個月,Ronald依然希望年底自家公司製作的鬼片可以順利開拍。
雖然今年只剩兩個月,Ronald依然希望年底自家公司製作的鬼片可以順利開拍。



近年主力拍電影的鄭中基,繼02年TVB劇《我要Fit一Fit》,相隔18年再參演港劇,只因劇本夠吸引貼地,「我見到好多劇個古仔都係好複雜嘅,呢套完全係講人性,入面講大家日常會遇到嘅事情、困難、或者工作上有啲咩不如意,好貼地。」


心痛囝囝學業

劇中飾演Ronald囝囝「暴龍哥」由兩個不同年紀小演員擔任,剛好跟他9歲囡囡Emma和5歲囝囝Evan年紀相若,合作相對較易,「大嗰個教我打機,細嗰個會叫我變魔術。自己有小朋友都有幫助,起碼有耐性啲先,同埋會捉到多啲佢哋嘅心理,因為佢哋唔係演員,真係小朋友嚟!」成功跟小演員做friend的Ronald,○氹囡囡做功課更加有獨門秘方,「我會同佢傾,玩唔係唔畀你玩,你做晒功課,譬如你5點做晒,你玩到瞓都得,你係唔做係咁拖嘅話,咁你食完晚飯又要做,你自己揀啦!你想食完飯同細路玩,定係食完飯細佬玩,你做功課?咁佢自己會諗囉!佢就會話『咁我𠵱家做囉!』自己願意去做嗰樣嘢,好過你迫佢,佢覺得你迫佢咪寫兩隻字,又去廁所又肚餓,佢自己選擇咗會係咁做,好快話做完。」


疫情下Ronald工作量少了,但爭取到更多親子時間,「呢排叻咗同佢哋玩遊戲!以前我每日對住佢哋得幾個鐘頭,𠵱家變咗得幾個鐘頭唔係對住佢哋,關係好咗嘅,佢哋又冇咁驚我,平時少見會黐阿媽多啲,爸爸只係玩㗎啫!一有問題佢哋問番媽咪,但𠵱家知道爸爸只係出去做嘢,𠵱家多咗要求同爸爸傾偈。」不過疫情令Ronald心痛囝囝學業,「我覺得個仔嘅學途好慘,佢今年升K3,之前K1成日爆手足口病冇得返,K2就(社會)運動又加埋疫情,所以嗰兩年都唔知讀乜!反而𠵱家開心咗,見到其他小朋友,佢之前好鍾意打機,都打到話唔想打,嘩!你生性呀!疫情冇得出街,所以佢一見到小朋友好開心,唔懶牀好早起身着定校服返學。」

Ronald首部劇集《緣份無邊界》已經跟張可頤合作,相識廿載,他笑言有對方帶住開工好放心。
Ronald首部劇集《緣份無邊界》已經跟張可頤合作,相識廿載,他笑言有對方帶住開工好放心。
劇中演Ronald囝囝「暴龍哥」分別由兩個不同年紀的小演員演繹,但Ronald一樣成功冧掂他們做老友。
劇中演Ronald囝囝「暴龍哥」分別由兩個不同年紀的小演員演繹,但Ronald一樣成功冧掂他們做老友。



自問不算暖男

Ronald承認今次接該劇,也為了一對小朋友,「呢套可以畀佢哋睇,可以畀佢哋問問題,譬如暴龍哥(《低俗喜劇》)嗰啲佢問問題,我答佢唔到啦!哈哈!」他又透露5歲Evan好奇小演員演他兒子,「佢有問點解唔係搵我,佢係邊個嚟?我話呢個演員嚟,佢同爹哋一齊做戲。哦!唔係真係自己仔女做,所以你冇帶我哋去啦!先生問佢爹哋做咩?佢識話拍片嘅。」做慈父難唔到Ronald,但他自問做暖男未夠班,「最叻係我趕咗佢哋(仔女)去嫲嫲度,我哋可以去街,哈哈!我哋出去工作做嘢,成日話大壓力,但係佢(太太)喺屋企照顧小朋友,都壓力好大,唔單止湊仔,啲功課仲難搞,所以都要平衡返。」




劇中Ronald覺得最難是演抑鬱症患者,要靠回憶人生最低潮,因飛機上醉酒鬧事令事業一鋪清袋,「嗰時真係諗到最負面乜都冇可以點呢?好彩嗰時好多朋友嚟同我傾偈,畀意見去上堂學剪接、影相,咁就開始學攝影,一路學個人心情慢慢好返啲。(經歷幫到演角色?)都有㗎!最主要係當刻嘅心情,導演叫你一陣做啱啱你死老婆,都即刻做到。」

劇中演Ronald囝囝「暴龍哥」分別由兩個不同年紀的小演員演繹,但Ronald一樣成功冧掂他們做老友。
劇中演Ronald囝囝「暴龍哥」分別由兩個不同年紀的小演員演繹,但Ronald一樣成功冧掂他們做老友。
11年Ronald跟余思敏奉子成婚後,收心養性變成住家男人。
11年Ronald跟余思敏奉子成婚後,收心養性變成住家男人。
疫情令Ronald跟9歲囡囡Emma和5歲囝囝Evan更多時間相處,變得跟他親近。
疫情令Ronald跟9歲囡囡Emma和5歲囝囝Evan更多時間相處,變得跟他親近。
Ronald𠱁囡囡Emma自動波做功課,主要靠講道理。
Ronald𠱁囡囡Emma自動波做功課,主要靠講道理。
太太余思敏全職照顧一對子女,Ronald覺得壓力不比外出工作少。
太太余思敏全職照顧一對子女,Ronald覺得壓力不比外出工作少。
Ronald笑言間中會趕仔女去父母家,爭取時間跟太太余思敏拍拖。
Ronald笑言間中會趕仔女去父母家,爭取時間跟太太余思敏拍拖。
2000年,Ronald在飛機上醉酒鬧事,令他事業跌入谷底。
2000年,Ronald在飛機上醉酒鬧事,令他事業跌入谷底。
其他文章
hd