首頁 即時娛樂

相隔18年再合作兄弟情返晒嚟 劉青雲劉德華齊籲珍惜當下

23/10/2020 11:45:00
劉青雲和劉德華的默契在片中盡現。
劉青雲和劉德華的默契在片中盡現。

劉德華與劉青雲繼《嚦咕嚦咕新年財》後,相隔18年再度合作《拆彈專家2》,青雲直言兩人默契依然。他說:「時間多與少跟默契沒有關係,有些演員會特別有火花,等於今次《拆彈專家2》,大家有共同理念。」華仔也認為人與人之間的緣分很特別,說:「每次跟不同演員合作,好似入行初期同發哥(周潤發)等演員合作都會有特別默契,就算鏡頭冇特別交代是兩兄弟,出來感覺都會畀人是兩兄弟,呢個係演員間的化學作用,正如青雲同倪妮有一場戲,我在旁邊看,令我覺得『嘩』,成套電影充滿了演員嘅努力,有意想不到嘅驚喜!」
問到兩位影帝最難忘的拍攝場面?青雲說是當中一場「拯救」戲,二人登上一輛貨van,然後由吊臂將貨van吊上8層樓高。青雲說:「雖然導演有話吊高,但冇講會吊幾高,拍攝時候1、2、3就吊咗上去,我仲諗住會慢慢試,點知一take完成。」身旁華仔聞言即指:「雖然係好快,但見武指佢哋好認真,每次吊之前都會檢查條威吔有冇受損,以前拍戲就搵命博,依家會覺得被照顧,安全感好大。」
雖然貨van一幕場面是驚險,不過最令華仔印象深刻卻是另一幕:「我最深刻反而係第一次同青雲開工,感覺好新鮮,好似見返個舊朋友咁,十幾年前合作嘅感覺返晒嚟!」
華仔與青雲在過往的電影中,先後飾演過拆彈專家,但今次卻有不同的體會。青雲說:「好多年前我演嘅拆彈專家,是帶有喜劇感,今次是實牙實齒嘅拆彈專家,有好複雜嘅行動同大型嘅爆炸,而且今次帶出一個訊息,有啲嘢失去咗係搵唔返。」華仔亦表示今次電影充滿令人反思的訊息,就連他亦有所覺悟:「意外同明天,大家唔會知道邊樣出現先,角色中嘅我,經常緬懷過去,然後又會話將來要點點點,但其實最重要嘅唔係過去、唔係將來,係現在,同時亦帶出世界上最危險嘅炸彈其實係人性。」

雙影帝互鬥好戲。
雙影帝互鬥好戲。
青雲和華仔在戲中很多對手戲。
青雲和華仔在戲中很多對手戲。

青雲最難忘被吊高8層樓這場戲。
青雲最難忘被吊高8層樓這場戲。
華仔最難忘是跟青雲第一日開工感覺。
華仔最難忘是跟青雲第一日開工感覺。

其他文章
hd