首頁 即時娛樂

喱士Bra上陣Sell自家手袋 [email protected]嗌尷尬:人生着得最少布一次

28/10/2020 20:03:00
Jessica以激罕性感造型上陣,為自家品牌手袋拍攝廣告硬照。
Jessica以激罕性感造型上陣,為自家品牌手袋拍攝廣告硬照。

女子組合Super Girls成員蔡明思(Jessica)去年升呢人妻,婚後工作量卻有增無減,日前,她就以激罕性感造型上陣,為自家品牌手袋拍攝廣告硬照,其間Jessica更挑戰性感底線,首度在鏡頭前僅以喱士Bra示人,難怪她甫出場即大叫尷尬,自言是工作中,人生穿得最少布的一次。Jessica說:「旅行喺沙灘,人人都着三點式,自己着會覺得冇所謂,但在工作中,得我一個人着得咁性感,感覺好唔自在,我對工作嘅性感底線比較高,如果只穿三點式開工,我會尷尬同冇自信,所以要我穿三點式的話,我一定要有件衫遮遮掩掩。」

Jessica首度在鏡頭前僅以喱士Bra示人。
Jessica首度在鏡頭前僅以喱士Bra示人。
Jessica自言在工作上的性感底線較高,今次她亦覺得好尷尬。
Jessica自言在工作上的性感底線較高,今次她亦覺得好尷尬。

至於過程中最難忘的,Jessica認為是穿上大露背短裙「躺卧」在草叢中的一幕,她說:「本身好驚昆蟲,可能細個試過有蟲喺樹上跌落我身上,對任何蟲類都好有陰影。今次瞓喺草叢裏,眼前就係密麻麻嘅雜草同葉,有啲葉上滿佈一點點,唔知係蟲卵定發霉,總之見到,我成個身都覺得痕,忍得好辛苦,不過影出嚟效果好靚,總算值得。」

Jessica大晒修長美腿。
Jessica大晒修長美腿。
本身好驚昆蟲的Jessica見到葉上滿佈一點點,令她覺得我成個身都好痕。
本身好驚昆蟲的Jessica見到葉上滿佈一點點,令她覺得我成個身都好痕。

問到今次可有向老公Steven「備案」?Jessica直言工作上的事很少跟老公講,不過她笑言老公屬唯美主義者,對性感的底線比她低,只要是性感的美,老公一定會接受。談到生育大計,Jessica表示仍在進行中:「覺得都係時候,但呢啲嘢冇得強求,唔想畀太大壓力自己同另一半,所以都係順其自然。(想生仔定女?)老公想生仔,佢係傳統觀念,其實生仔生女都唔緊要,最緊要小朋友身體健康,希望我嘅緣份快啲到。」

Jessica最難忘穿上大露背短裙「躺卧」在草叢中的一幕。
Jessica最難忘穿上大露背短裙「躺卧」在草叢中的一幕。
Jessica指老公Steven的性感底線比她低。
Jessica指老公Steven的性感底線比她低。
其他文章
hd