首頁 即時娛樂

【頭條獨家】抱囡囡瞓冧到暈 羅子溢望做男友型爸爸

29/10/2020 19:18:00
子溢講到湊囡囡小珍珠,相當興奮滔滔不絕。
子溢講到湊囡囡小珍珠,相當興奮滔滔不絕。

羅子溢(前名羅仲謙)最近在新劇《木棘証人》演懶懶散散CID「高力基」,拍住韋家雄演的証人齊齊搞笑,雖然戲中有兩大「女神」張曦文同張秀文為他爭風呷醋,但現實他眼中只有太太楊茜堯(前名楊怡)和囡囡小珍珠(羅翊心),他大讚抱住小珍珠瞓感覺超冧,更想成為一個似男友一樣的爸爸,還自爆因囡囡變得感性又踏實,收工只想返屋企做住家男。撰文:杜淑霞 攝影:李維隆 形象:Cheryl YAM 髮型:Jan [email protected] Colpo(PP) 化妝:Sharon Lee 服裝:Theory

子溢自言屬於康樂小組,負責扮人肉機動遊戲𠱁囡囡笑,「扮跳樓機咁急墜,扮火車呀,扮喺草原騎馬咁,總之人形嘅遊樂場。」
子溢自言屬於康樂小組,負責扮人肉機動遊戲𠱁囡囡笑,「扮跳樓機咁急墜,扮火車呀,扮喺草原騎馬咁,總之人形嘅遊樂場。」
子溢(音:日)跟太太齊改名,他只為將個家庭凝聚力加強,「想長輩開心,仔女健健康康,大家都順利就好。」
子溢(音:日)跟太太齊改名,他只為將個家庭凝聚力加強,「想長輩開心,仔女健健康康,大家都順利就好。」




講到跟張曦文同張秀文合作,子溢竟然有眼不識泰山,不知她們是「女神」級,更笑言:「唔怪之得朋友成日問佢哋有幾高呀?靚唔靚嘅?仲緊張過我拍咁。」問到做人夫及人父後,是否不再𥄫女,他即老實話:「都睇,講到我咁聖人都冇人信啦!睇還睇,睇完就算啦!」但笑指劇情需要跟女神們都有咀戲。

子溢厭小珍珠偏瘦,仲搞笑話,「叫珍珠咁細粒,佢偏瘦,早知叫大樹菠蘿,哈哈!」
子溢厭小珍珠偏瘦,仲搞笑話,「叫珍珠咁細粒,佢偏瘦,早知叫大樹菠蘿,哈哈!」
對於網民想推子溢攞視帝跟堯堯湊成一對,他開心說:「我覺得幾好會成為一時佳話,咁我喺度呼籲,希望大家幫幫手。」
對於網民想推子溢攞視帝跟堯堯湊成一對,他開心說:「我覺得幾好會成為一時佳話,咁我喺度呼籲,希望大家幫幫手。」




子溢在湊小珍珠訓練下,令他急速成長,整個人都變得踏實,「有耐性咗,忽然之間老練咗,睇嘢化咗好多嘢咁。」現在收工只想返屋企的他,講到湊女滔滔不絕,最享受○氹囡囡瞓,「覺得佢好嗲,有個女性喺你身邊好依靠住你,好需要你保護。又好享受同佢say goodnight錫吓佢面珠墩,佢半夢半醒嘅時候,冇安全感就會捉住你隻手係咁搓,佢聞到你氣味就會瞓得好冧。」他更想做男朋友型的爸爸,「男朋友都可以指導、分享同幫佢,又可以同佢傾心事。」



不過,子溢講明不想做怪獸家長,會讓囡囡自由選擇未來生活方式,就算想加入娛樂圈都冇問題,「咪試囉!我提供咗資源,你過你嘅人生,會點樣就睇你嘅造化,但我會準備定個plan B,就係爸爸會喺後面保護住佢,但唔可以畀小朋友知道我可以唔使做,靠屋企就得啦!我唔想小朋友太溫室長大,我想囡囡硬淨啲。」至於追多個小朋友,他只會隨緣,但又想囡囡將來有弟妹支持,「我哋總有一日先過佢走,將來有咩事同丈夫分擔之外,有個細佬細妹有血緣關係比較好啲。」

子溢現在湊女好熟手,但最愛都是𠱁囡囡瞓。
子溢現在湊女好熟手,但最愛都是𠱁囡囡瞓。
子溢讚韋家雄演強迫症患者恰到好處,兩人度橋搞笑好合拍。
子溢讚韋家雄演強迫症患者恰到好處,兩人度橋搞笑好合拍。
劇中子溢跟「女神」張曦文談情,他笑言身邊朋友比他更緊張。
劇中子溢跟「女神」張曦文談情,他笑言身邊朋友比他更緊張。
其他文章
hd