首頁 即時娛樂

邀湯駿業執導《二人份》MV 葉巧琳減10磅挑戰性感尺度

30/10/2020 18:10:00
Mischa認為在疫情下,今年推出新歌《二人份》已感安慰。
Mischa認為在疫情下,今年推出新歌《二人份》已感安慰。

葉巧琳(Mischa)最近忙參加ViuTV選秀真人騷《全民造星III》外,亦推出「水質女生戀愛連續劇」最終回的新歌《二人份》,延續一對靈魂伴侶變成愛侶後的親密關係,剖白女方內心世界。



《水舞間》是愛上靈魂伴侶的甜蜜心情,《一對一》是到訪男方屋企的緊張狀態,來到《二人份》,所描寫已是發生關係後的囉囉攣。Mischa說:「上集《一對一》講到女方返到屋企唔知發生咗乜嘢事,今次係兩個人飲完紅酒後發生咗關係,但起身之後究竟會係點呢?嗰種猜測,全因為仲爭咗『我愛你』呢三個字。」歌名《二人份》形容的就是起床的一刻由一個人變了兩個人,早餐變了「二人份」的時候。Mischa補充道:「其實喺都市裏面有好多男女,都係友達以上戀人未滿嘅關係,相信大家聽過《二人份》之後,都會好有共鳴。」

MV中,Mischa跟男主角Justin Chu有牀上戲。
MV中,Mischa跟男主角Justin Chu有牀上戲。
Mischa以往鮮有這樣性感。
Mischa以往鮮有這樣性感。




為了將歌曲故事性呈現,MV找來湯駿業(AHDEE)執導,為Mischa拍攝入行以來最性感MV,並由Mischa於戲劇班認識的同學兼好友Justin Chu擔任男主角,拍攝前AHDEE亦跟Mischa上了一些Training,好讓她火辣一面演繹角色。Mischa說:「呢次MV尺度好大挑戰,既要露腿又要露腰,而且同Justin亦有好多親䁥場口。呢個尺度已經差不多係我嘅盡頭,如果唔係對我男友嚟講就唔係咁好。」被問到演出時可會尷尬?Mischa笑言:「Justin係好Professional嘅演員,演過好多MV,同佢演戲絕對冇尷尬,而且仲好Smooth!」至於《二人份》中男、女主角的關係最終如何走向,Mischa指MV未有給予一個答案,有空間讓樂迷自行猜想。


Mischa為以最佳狀態拍攝MV,在開拍前三星期極速瘦身,以節食減掉10多磅,不過Mischa坦言這樣並不健康,「拍攝前節食減肥,去到拍攝當日更加冇食嘢,直到拍攝其中一個鏡頭我要食蛋糕,我係毫無懸念堅食落去,仲要食得好開心!其實我本來唔鍾意食甜嘢,但喺嗰一刻我一叉落去舐到忌廉時,感覺就好似置身天堂一樣!」雖然覺得不健康,但看到由形象、服飾、化妝以至髮型都是一個大轉變,Mischa都希望能給予樂迷一個不一樣又滿意的感覺。

對於MV中的火辣演出,Mischa事前做足準備。
對於MV中的火辣演出,Mischa事前做足準備。
Mischa好喜歡自己瘦身後的新形象。
Mischa好喜歡自己瘦身後的新形象。

減磅後,Mischa可以食住蛋糕拍攝,感覺就好似置身天堂。
減磅後,Mischa可以食住蛋糕拍攝,感覺就好似置身天堂。
Mischa最近忙於參加Viu TV選秀真人騷《全民造星 III》。
Mischa最近忙於參加Viu TV選秀真人騷《全民造星 III》。
其他文章
hd