首頁 即時娛樂

【頭條獨家】出街大陣仗 囝囝有專屬工人服侍 葉翠翠搞唔掂爆喊細仔皺晒眉

08/11/2020 22:00:00
翠翠上周六老公帶3個囝囝去銅鑼灣時代廣場行街食飯。
翠翠上周六老公帶3個囝囝去銅鑼灣時代廣場行街食飯。

39歲的葉翠翠於15年下嫁建築公司副董事周曉東(Raymond),婚後誕下3歲大仔Jake、兩歲二仔Triton和細仔,完全停止幕前演出轉型做KOL。上周六(31日)晚趁萬聖節,翠翠和老公帶3個囝囝去銅鑼灣時代廣場行街食飯,一家五口唔算大陣仗,但加埋三個工人就好大堆頭。當日,大仔和二仔各自有專屬姐姐貼身服侍,而翠翠就全程抱住8個多月大細仔,身旁亦有一個姐姐隨傳隨到,見B仔喺翠翠懷中不斷扭計,由商場扭到入餐館,翠翠完全○氹唔掂,難怪佢皺晒眉!採訪:Dick

在餐廳門口等位期間,大仔和二仔郁嚟郁去好活潑,要靠工人姐姐捉實。
在餐廳門口等位期間,大仔和二仔郁嚟郁去好活潑,要靠工人姐姐捉實。
即使有工人姐姐幫手,翠翠都未有假手於人,全程自己抱實冇戴口罩嘅細仔。
即使有工人姐姐幫手,翠翠都未有假手於人,全程自己抱實冇戴口罩嘅細仔。

上周六晚上7時許,葉翠翠與老公帶埋3名寶貝仔現身時代廣場,同行仲有3個工人姐姐負責服侍「小主子」,認真大陣仗!雖然當日正值萬聖節,但翠翠一家未有刻意打扮迎合節日氣氛,只簡單地穿上Casual wear,不過仔細一睇,原來兩位大公子跟爸爸均以大嘴鳥白Tee襯短褲仔,大玩父子裝。

細仔扭計
當日,眾人先從底層的Citysuper走到地面排隊,並搭Lift上位於食通天10樓的潮州餐館食晚飯。今年2月剖腹誕下第三胎的翠翠,全程緊抱圓碌碌細仔又上又落,其間細仔不停扭計狂喊,估計係肚仔餓,夠鐘飲奶!抵達餐廳門口後,等緊位的翠翠仍未能及時餵B,唯有「印」住安撫囝囝;不過現場人來人往,B仔塊面無遮無掩,萬一附近出現「隱形播毒者」就認真弊傢伙!等咗一陣周氏一家便獲安排入座,Raymond先讓一班細路及婦孺進店坐低,自己就推住架BB車殿後。

翠翠得悉有記者在場即調往較隱蔽位置用膳。
翠翠得悉有記者在場即調往較隱蔽位置用膳。
翠翠抱住囝囝調位,被「斷食」的三王子即喊到面都紅晒。
翠翠抱住囝囝調位,被「斷食」的三王子即喊到面都紅晒。

翠翠嬲豬
甫安頓好,翠翠即拎出奶樽讓「三王子」在其懷內開餐,兩位百厭哥哥就企喺櫈上爬來爬去;其間一對情侶向Raymond打招呼,並指向鏡頭示意有記者在場,未幾店員都好識做,安排他們搬到較隱蔽的位置坐低,惟忽然被「斷食」的B仔就喊到面都紅晒!逗留約1個多小時,翠翠一家大細食飽步出餐廳,她禮貌地上前問:「你邊間(報館)㗎?」本報記者即報上名來,聽罷她續道:「我哋好少出街㗎,可唔可以唔好跟住佢哋?唔好嚇親啲小朋友呀!」此時,3位工人姐姐急急拖住Jake和Triton乘扶手電梯落下一層,剩低的翠翠開始顯得唔耐煩,Raymond就幫手推住BB離開。

翠翠同老公帶3個寶貝仔出街,同行仲有3個工人姐姐幫手湊細路。
翠翠同老公帶3個寶貝仔出街,同行仲有3個工人姐姐幫手湊細路。
食完飯離開餐廳,工人姐姐先行帶Jake和Triton乘扶手電梯落下一層。
食完飯離開餐廳,工人姐姐先行帶Jake和Triton乘扶手電梯落下一層。
Raymond幫手推住BB車,開始表現得不耐煩的翠翠就躲在老公身後。
Raymond幫手推住BB車,開始表現得不耐煩的翠翠就躲在老公身後。
翠翠先後誕下3歲大仔Jake及兩歲二仔Triton,而細仔亦於今年2月出世。
翠翠先後誕下3歲大仔Jake及兩歲二仔Triton,而細仔亦於今年2月出世。
翠翠與建築公司副董事Raymond於2015年結婚。
翠翠與建築公司副董事Raymond於2015年結婚。
去年兩公婆豪擲9,000萬購入老牌豪宅紅山半島2836呎獨立屋,屋企大加上囝囝玩到成地玩具,難怪要請3個工人姐姐服侍啦!
去年兩公婆豪擲9,000萬購入老牌豪宅紅山半島2836呎獨立屋,屋企大加上囝囝玩到成地玩具,難怪要請3個工人姐姐服侍啦!
2005年參選港姐時,翠翠仍是單眼皮、鼻扁扁、Pizza面。
2005年參選港姐時,翠翠仍是單眼皮、鼻扁扁、Pizza面。
如今身為KOL的她不時介紹美顏產品,所以愈嚟愈識扮靚,仲進化到鼻高高、面尖尖、雙眼皮,就算而家生完三個小朋友都冇走樣。
如今身為KOL的她不時介紹美顏產品,所以愈嚟愈識扮靚,仲進化到鼻高高、面尖尖、雙眼皮,就算而家生完三個小朋友都冇走樣。
其他文章
hd