首頁 即時娛樂

【頭條獨家】1年7個月婚姻玩完無損心情 李彩華買名牌掃糧錫自己

19/11/2020 23:30:00
上周驚爆離婚的Rain早已走出情傷,月前仲跟助手去銅鑼灣掃名牌、買嘢食。
上周驚爆離婚的Rain早已走出情傷,月前仲跟助手去銅鑼灣掃名牌、買嘢食。

剛踏入37歲的李彩華(Rain)於去年情人節宣佈已秘嫁拍拖半年、從事鋼鐵生意的內地商人黃彥書(Eric),婚後不時於社交網大晒夫婦甜蜜旅遊照,更打算今年進行「造人」大計,滿足老人家心願。惜事與願違,受疫情影響,兩公婆因長期分隔兩地致感情生變,結果拖拉至9月正式離婚。不過已習慣獨自生活的Rain好快就走出離婚陰霾,月前她仲跟助手去銅鑼灣掃名牌、買嘢食,見她神態自若講唔停又勁好胃口,睇嚟心情已平復好多!採訪:梁志明

失婚Rain與女助手現身超市買嘢食,後者幫忙推住載了一大袋Gucci戰利品的車仔。
失婚Rain與女助手現身超市買嘢食,後者幫忙推住載了一大袋Gucci戰利品的車仔。
Rain曾透露老公不喜歡她拍親熱戲,坦言夫婦倆在工作觀念上有出入。
Rain曾透露老公不喜歡她拍親熱戲,坦言夫婦倆在工作觀念上有出入。

李彩華與內地商人老公黃彥書上周四(12日)驚爆離婚!消息曝光後,她大方直認於今年9月跟Eric已在內地辦妥離婚手續,結束1年7個月的短暫婚姻,又強調並不牽涉第三者,只因婚後雙方加埋都見唔夠3個月,聚少離多才致溝通出現問題。Rain表示目前會專注事業,所以回復單身後便寄情工作,見她於「11.11光棍節」笑晒口慶祝,相信早已走出情傷;月前,《頭條日報》記者亦發現她於銅鑼灣開心Shopping。當日晚上7時許,Rain與女助手現身時代廣場city'super,穿上牛仔Look襯Sharp爆橙色VERSACE Tee、紮高辮的她,在人群中特別搶眼。

胃口好心情佳
其間,助手幫忙推住載了一大袋Gucci戰利品及一袋日本現烤吉士醬蘋果批的車仔,Rain就輕輕鬆鬆買嘢食,全程亦跟助手又傾又講,心情不俗,而且睇嚟仲好有胃口。見她先在冷藏櫃揀咗盒百幾蚊的8折壽司,之後又擸咗一棵日本生菜、兩盒盛惠48蚊的大碗即食拉麵,雖然貴為圈中小富婆,在港、英、澳、泰等地手持逾億元物業,又經常着到成身名牌,但私底下的Rain飲食都好慳家,在超市逛了45分鐘,買齊糧食都係200蚊有找。最後畀完錢,Rain抽番自己袋Gucci心頭好,助手就負責挽住兩袋食物,雙雙搭Lift落停車場取車返屋企。

原來小富婆Rain都幾慳家,見到壽司做緊8折優惠,她都即刻擸番盒。
原來小富婆Rain都幾慳家,見到壽司做緊8折優惠,她都即刻擸番盒。
私下Rain食得好隨便,當日仲買了24蚊一碗的即食拉麵和生菜。
私下Rain食得好隨便,當日仲買了24蚊一碗的即食拉麵和生菜。



【你唔愛我啦】
入行廿年的Rain情路崎嶇,18歲因拍電影《別戀》與林峯撻着,惜這段Puppy Love維持半年便無疾而終。至2003年被指介入丁子高與譚凱琪戀情,翌年被影到她與蕭定一在的士內激咀,其後又跟金融闊少潘啟翀、「新五虎」何遠恒等拍過拖。

其間Rain與助手有傾有講,仲手指指𠻹,似乎心情都冇乜受離婚一事影響。
其間Rain與助手有傾有講,仲手指指𠻹,似乎心情都冇乜受離婚一事影響。
離開時,Rain自己拎番袋Gucci心頭好,助手就拎住兩袋嘢食。
離開時,Rain自己拎番袋Gucci心頭好,助手就拎住兩袋嘢食。
Rain與Eric於去年2月2日拉埋天窗,惜婚姻僅維持1年7個月,便於今年9月秘密離婚。
Rain與Eric於去年2月2日拉埋天窗,惜婚姻僅維持1年7個月,便於今年9月秘密離婚。
沒有伴侶在身邊的Rain依然好享受獨處生活,早前仲迷上玩Wakesurf。
沒有伴侶在身邊的Rain依然好享受獨處生活,早前仲迷上玩Wakesurf。
剛過去的「11.11光棍節」,Rain開開心心在工作中渡過。
剛過去的「11.11光棍節」,Rain開開心心在工作中渡過。
林峯和34D內地女模張馨月於去年除夕夜宣布結婚,並於9月底公布BB已出世,升呢人父。
林峯和34D內地女模張馨月於去年除夕夜宣布結婚,並於9月底公布BB已出世,升呢人父。
丁子高與楊千嬅於2009年8月在美國拉斯維加斯秘密註冊結婚,並於2012年誕下兒子丁進諾(Torres)。
丁子高與楊千嬅於2009年8月在美國拉斯維加斯秘密註冊結婚,並於2012年誕下兒子丁進諾(Torres)。
hmv數碼中國集團主席蕭定一與陳敏於2010年結婚,二人育有兩子一女。
hmv數碼中國集團主席蕭定一與陳敏於2010年結婚,二人育有兩子一女。
其他文章
hd