首頁 即時娛樂

搞動畫三十周年展覽  王友良讚謝嘉怡夠正面最似小丸子

20/11/2020 10:00:00
以大中華區總代理身份搞動畫30周年展覽嘅王友良,大讚真性情Lisa最有小丸子感覺。
以大中華區總代理身份搞動畫30周年展覽嘅王友良,大讚真性情Lisa最有小丸子感覺。

最近王友良(Ivan)以櫻桃小丸子大中華區總代理身份,為小丸子動畫30周年,喺元朗大型商場內舉行展覽活動,將動畫中30個角色立體登場。小丸子對他有情意結:「因為小丸子係由細睇大嘅卡通人物,細個睇住佢嘅生活趣事,覺得佢係個好可愛嘅女仔,諗都諗唔到大個咗竟然認識到小丸子作者,仲同佢結成好朋友,一齊喺日本食飯、唱K,原來作者性格動態同小丸子完全一模一樣。喺佢穿針引線下,我成為咗小丸子大中華區總代理,小丸子唔單止陪我長大,都成為我商務上一個重大項目,我有爸爸心態,要保護住呢個『囡囡』,好擔心有不法商人做傷害佢嘅嘢。」

 

王友良覺得自己性格最似大野同學,同樣係正面、好動,好陽光嘅男仔:「所以之前拍過一個真人版電視劇,我都係演呢個角色,當然我冇佢咁靚仔,佢有好多Fans㗎!」至於他眼中最似小丸子嘅女藝人,應該係今年港姐冠軍謝嘉怡(Lisa):「佢個人好正面、好開心、好真性情,當日選港姐時我經已有呢個感覺,而且佢以前做護士,一樣好有愛心,好彩佢冇小丸子啲古怪嘢。」

 

王友良話自己性格最似係大野同學,但就唔及對方靚仔。
王友良話自己性格最似係大野同學,但就唔及對方靚仔。
王友良同日本動畫櫻桃小丸子好有情意結。
王友良同日本動畫櫻桃小丸子好有情意結。

其他文章
hd