首頁 即時娛樂

【躺著也中槍】參加《造星III》惹網民狙擊 Odilia唔敢睇負評驚影響情緒

20/11/2020 21:32:00
Odilia近日遭網民狙擊,要求《全民造星III》節目組Foul走她。
Odilia近日遭網民狙擊,要求《全民造星III》節目組Foul走她。

ViuTV選秀真人騷《全民造星III》於本月初首播,今季以「藝人再出道」為主題,當中有不少熟悉的面孔,包括前E-kids成員林詠倫(Alan)、前As One成員陳葦璇(前名陳嘉茵)、顧定軒等,旋即引來不少迴響。在首輪面試中,節目監製花姐(黃慧君)已多次問參賽者,可承受得到觀眾的批評?可擔心節目出街後,反令支持者流失?至今《造星III》已播出14集,首次分組淘汰賽正式展開,昨晚一集由A5組鬥B2組,首位被Foul出局的是彭秀慧所訓練的B2組成員Vincent。對此賽果,不少網民都戥Vincent唔抵,而同隊的Bingo成員陳康琪(Odilia)更是「躺著也中槍」,有人留言:「咩世界咁都入到圍」、「應該Out CY同Odi,留番Vincent」、「寧願要Odi走」等。

《全民造星III》參賽者Odilia
《全民造星III》參賽者Odilia
Odilia成功殺入50強。
Odilia成功殺入50強。

然而在連登討論區,已有網民以「每日OdiX老X問候區」為題開Po狙擊Odilia,更有人設立「反Odi大聯盟」,力數她自以為是、難相處、跳唱唔掂。一向大膽敢言的Odilia早前接受《頭條日報》訪問時,也坦言曾質疑自己是否仍適合做跳唱歌手,入到《造星III》,面對一眾有實力的參賽者,她表示又驚又大壓力,「其實係公司叫我哋去參加,起初我都話有機會畀人哋踩到落底㗎喎,入到去發現,其實前面諗幾多做唔到嘅諗法都係多餘,做咗先啦,做到一個位睇番轉頭,可能反而得到更多。(有畀人鬧到想放棄?)冇,畀人鬧親就愈想做得好,愈戰愈強,我會觀察評判讚嘅人,即使係一個未出道嘅人都有佢嘅好處,我就學習、吸佢嘅好處,再Modify喺自己身上,做藝術嘅人就要不斷改善,要學識去深化個內容,令到件事變得有內涵,而唔係為做表演而做畀人睇。」

彭秀慧(左二)所訓練的B2組。
彭秀慧(左二)所訓練的B2組。
首次分組淘汰賽已展開,B2組最終落敗。
首次分組淘汰賽已展開,B2組最終落敗。

不過對於近日一地負評,Odilia今日透過電話回覆本報稱唔開心咗幾日,「首先都擔心屋企人見到呢啲負評會唔會唔開心,節目出街後,媽咪都有問我:『阿女點解咁多人插你、抨擊你嘅?』嗰刻都會有啲難面對,我都有搵朋友、經理人、同事傾訴;至於其他留言我都冇睇太多,因為免得影響自己情緒。」問到被指性格差、難相處?她否認稱:「識我嘅朋友都知我係好玩得、好講得笑,同埋性格比較直率啲,譬如見到有問題存在,我唔知點樣去轉彎抹角講出嚟,但由始至終我都係對事,並唔係大家所講嗰種難相處,希望大家會留意到我往後幾集嘅表演,我想證明畀大家睇,參加呢個節目我係有決心做到一種改變、大躍進,我都好想有個轉捩點變得更好。(後悔參賽?)冇,我好Enjoy每個Moment,呢段時間自己成長咗唔少,希望大家未來見到更加成熟嘅我。」

昨晚一集由A5組鬥B2組。
昨晚一集由A5組鬥B2組。
結果B2組成員Vincent成為首位被Foul出局的參賽者。
結果B2組成員Vincent成為首位被Foul出局的參賽者。
有網民認為應留番Vincent(中),Out 走Odilia和CY(右)。
有網民認為應留番Vincent(中),Out 走Odilia和CY(右)。
在連登討論區中,有網民以「每日OdiX老X問候區」為題開Po狙擊Odilia。
在連登討論區中,有網民以「每日OdiX老X問候區」為題開Po狙擊Odilia。
有人設立「反Odi大聯盟」力數Odilia不是。
有人設立「反Odi大聯盟」力數Odilia不是。
(網上截圖)
(網上截圖)
(網上截圖)
(網上截圖)
(網上截圖)
(網上截圖)
女子組合Bingo出身的關嘉敏(中)、夏子涓(右)都有份參加《全民造星III》。
女子組合Bingo出身的關嘉敏(中)、夏子涓(右)都有份參加《全民造星III》。
入行4年的Odilia表示好想有個轉捩點,令自己變得更好,所以今次參加該節目是希望有個大躍進。
入行4年的Odilia表示好想有個轉捩點,令自己變得更好,所以今次參加該節目是希望有個大躍進。
Odilia坦言睇到網上負評都唔開心咗幾日。
Odilia坦言睇到網上負評都唔開心咗幾日。
其他文章
hd