首頁 即時娛樂

【終於有啖好食】開「深夜食堂」烚水餃 張敬軒食到「JAPJAP」聲

24/11/2020 14:13:00
可能食得太多「驚喜」早餐,張敬軒連食白烚水餃都好滿足。
可能食得太多「驚喜」早餐,張敬軒連食白烚水餃都好滿足。

張敬軒自上月開始Post出家傭「姐姐」預備的早餐後引起網民超大迴響,接連不斷的「驚喜」早餐更令軒仔幫自己改咗「包勁硬」及「粥勁稀」兩個新花名!軒仔自第一次公開早餐相之後已過了成個月,未知是否食得太多頹爆早餐,他昨晚在限時動態上載好幾條整宵夜短片,只見他拿出一包急凍水餃,三兩下手勢便已經烚好,軒仔更鋪上餐墊上枱,成件事充滿儀式感。即使只係白烚現成嘢,但軒仔似乎十分滿意,在片段中寫下「JIJAPJIJAPJIJAP」的擬聲詞,食得津津有味喎。

首先煲水。
首先煲水。
拎出一包水餃。
拎出一包水餃。

昨晚的宵夜片段似乎太冇驚喜,今朝軒仔再度Post出早餐娛樂大家。他搞笑指早餐是「冠狀班戟配1:99漂白粥水」,不過就大讚「姐姐」煎的班戟有進步,「唔似百潔布了,似毛巾」。而軒仔亦繼續將社交平台頭像每日一轉,以配合每日的驚喜早餐,今日當然轉成藍莓毛巾班戟,睇嚟係「口裡說不身體卻很誠實」。

白烚上枱。
白烚上枱。
張敬軒形容自己食到「JIJAPJIJAPJIJAP」,一隻不剩。
張敬軒形容自己食到「JIJAPJIJAPJIJAP」,一隻不剩。

張敬軒今朝有毛巾班戟配粥水做早餐。
張敬軒今朝有毛巾班戟配粥水做早餐。
張敬軒繼續每日一轉頭像配合當日早餐,今日係「冠狀班戟」頭像。
張敬軒繼續每日一轉頭像配合當日早餐,今日係「冠狀班戟」頭像。
其他文章
hd