首頁 即時娛樂

【前途未卜瘦晒】笑晒口攬狗自娛 黃心穎向前度展示活得比你好

24/11/2020 17:00:00
心穎冇咗馬明,好彩仲有人類最好嘅朋友小狗嚟解悶,心靈總算有安慰。
心穎冇咗馬明,好彩仲有人類最好嘅朋友小狗嚟解悶,心靈總算有安慰。

黃心穎偷食人夫後形象插水,事業一鋪清袋,傳TVB都決定與她提早解約,冇得留底,最慘喻為城中筍盤男友嘅馬國明,喺她偷食後分手,同咗她昔日「好姊妹」湯洛雯拍拖,就算酸到喺IG Unfriend咗靚湯,都於是無補。跌落人生低谷,黃心穎仍然懂得自娛,今日凌晨她喺社文網有更新,她抱著生日愛犬Love快樂合照,她寫道:「No dog as sweet, ok maybe her,happy birthday my dear. She mad cuz she old.」鄧穎芝留言讚她睇嚟似乎唔錯,心穎亦有回覆稱:「與你一樣!」

笑容燦爛的黃心穎留了一把超長頭髮,要用笑容嚟向前度證明,𠵱家活得比你好!但有時口裏說不,身體最誠實,驟眼睇黃心穎消瘦咗,突見出現「V煞面」。不少朋友為Love送上祝福。至於黃心穎未來動向,她訊息回覆:「有update再同大家講、多謝關心。」

無所事事嘅心穎,平日都係玩狗為樂。
無所事事嘅心穎,平日都係玩狗為樂。
得閒仲湊吓家中嘅小B。
得閒仲湊吓家中嘅小B。

心穎同情敵靚湯喺IG取消咗互相關注。
心穎同情敵靚湯喺IG取消咗互相關注。

其他文章
hd