首頁 即時娛樂

【頭條獨家】照顧患胃癌男友冇覺好瞓 邱芷微類風濕惡化唔敢懷孕

25/11/2020 22:56:00
「賈名媛」邱芷微忙照顧患胃癌男友,令她類風濕關節炎惡化。
「賈名媛」邱芷微忙照顧患胃癌男友,令她類風濕關節炎惡化。

TVB處境劇《愛•回家之開心速遞》演「賈名媛」嘅邱芷微(Chelffy)患上類風濕關節炎,前功夫新星男友陳志忠又確診第一期胃癌。日前邱芷微就陪男友去尖沙咀醫肚兼睇醫生,陳志忠切咗八份七個胃,主力靠腸道嚟消化食物,邱芷微將薄牛肉切到細細件嚟餵男友,食完幫佢抹嘴,呢啲最佳女朋友點搵呀?採訪:方騫平 攝影:張詠森

「賈名媛」邱芷微拖住男友陳志忠去睇醫生兩人患難見真情。
「賈名媛」邱芷微拖住男友陳志忠去睇醫生兩人患難見真情。
邱芷微將薄牛肉切完細細件,再餵畀男友食,真係好細心。
邱芷微將薄牛肉切完細細件,再餵畀男友食,真係好細心。

當日陳志忠做完手術唔夠一個月,仲係大大隻,精神還不錯,只係走路時,傷口仲會隱隱作痛,由邱芷微拖到實。兩人先去醫務所附近開餐,見邱芷微全程服侍周到,切完食物餵埋入男友口,最後仲幫陳志忠抹埋嘴,真係相當細心!

患有類風濕關節炎嘅邱芷微因為唔夠瞓加埋情緒及壓力,呢排病情惡化要中西合璧治療。
患有類風濕關節炎嘅邱芷微因為唔夠瞓加埋情緒及壓力,呢排病情惡化要中西合璧治療。
邱芷微好擔心男友健康問題,情緒好受影響。
邱芷微好擔心男友健康問題,情緒好受影響。

男友要做埋化療
事後邱芷微接受本報訪問時表示:「醫生叫佢少食多餐,食物方面要切細舊啲,咬碎啲,但佢個人太心急仲未適應,成日食得太大啖,又冇耐性咬碎啲,次次我都會睇唔過眼幫佢切細啲。」原來當日她陪男友搵腫瘤科醫生準備做埋化療,講返呢件事,邱芷微同男友都嚇到癲:「呢個腫瘤科醫生一度推翻之前化驗報告結果,話腫瘤由1期B定位為第4期,需要做一個更大劑量打針化療和食藥化療,之後更需要再做電療,當時聽到好無助,惟有再攞胃細胞組織去另一間化驗所做化驗,好彩報告結果同之前一樣。𠵱家物色另一個醫生做化療。點都好,男友決定先雪精。虛驚一場,搞到我類風濕惡化咗,以前冇發炎嘅關節位,一吓子都發晒出嚟,呢個情況會幾危險,咁落去好難會斷到尾,只好趁住黃金醫治時期,中西合璧治療,否則第日佗B會影響BB心臟,好麻煩。」

陳志忠做完微創手術切胃後復原得好快。
陳志忠做完微創手術切胃後復原得好快。
邱芷微有份拍任賢齊及鄭伊健主演嘅新片《大Project》,男友病咗唔影響邱芷微工作。
邱芷微有份拍任賢齊及鄭伊健主演嘅新片《大Project》,男友病咗唔影響邱芷微工作。
邱芷微肯搏肯捱,唔介意着泳衣影相。
邱芷微肯搏肯捱,唔介意着泳衣影相。
其他文章
hd