首頁 即時娛樂

【頭條獨家】同譚玉瑛星馬外景取消 李家鼎呻拍《阿爺》煮到手軟

25/11/2020 23:22:00
鼎爺本來跟譚玉瑛到星馬拍《阿爺廚房》第五輯外景,因疫情被迫取消,他大呻在廠拍攝煮餸煮到手軟。
鼎爺本來跟譚玉瑛到星馬拍《阿爺廚房》第五輯外景,因疫情被迫取消,他大呻在廠拍攝煮餸煮到手軟。

由李家鼎(鼎爺)和譚玉瑛(阿譚)主持的《阿爺廚房》近日來到第五輯,兩位拍檔本來今輯將會出埠到星馬拍攝外景,但因疫情影響不能成行,只能留港拍攝,鼎爺大呻因而要煮多好多味餸,直言煮到手軟,好彩同阿譚拍攝好有花火。阿譚大讚鼎爺能夠拍極都有貨,餸菜永冇重複,除了天份,還有他好學不倦的性格,而她更踢爆廚藝了得的鼎爺,最愛竟然是食飯。採訪:杜淑霞

鼎爺和阿譚合作4年,鼎爺坦承視阿譚如女兒愛錫。
鼎爺和阿譚合作4年,鼎爺坦承視阿譚如女兒愛錫。
因疫情主力留廠拍攝,令鼎爺和阿譚在節目傾偈時間多了。
因疫情主力留廠拍攝,令鼎爺和阿譚在節目傾偈時間多了。




鼎爺透露,原先節目計劃到外地拍攝,因疫情令計劃被迫取消,「主力香港拍辛苦好多,原本我哋喺新加坡再過馬來西亞,可能去埋泰國,但萬一有工作人員瀨嘢點算呀!?同埋大環境預計唔到,不過,出去拍真係寫意好多,𠵱家喺廠時間耐咗,講多咗嘢之外,每集都要煮多個餸先搞得掂,真係煮到手軟㗎!」

節目中,鼎爺和阿譚齊齊大歎新鮮靚雞菜式。
節目中,鼎爺和阿譚齊齊大歎新鮮靚雞菜式。
鼎爺和阿譚去搵新鮮靚食材。
鼎爺和阿譚去搵新鮮靚食材。



同事羡慕筍工


鼎爺覺得幸好同阿譚拍檔好有火花,「做節目唔可以死咕咕,要有啲生氣,所以我哋成日頂咀。」阿譚笑言這份工作是筍工,好多同事都好羡慕,「返親工都有人見到我咁講,因為我每次着住呢套衫,代表我又入嚟食好嘢嘛!佢哋通常話好羡慕你咁多好嘢食,仲要喺街食唔到㗎嘛!」最難得節目已拍到第五輯,但鼎爺的菜式從不重複,他解釋團隊有份度,「佢哋會問好似有個咁嘅餸,你識唔識?我就會醒起番。」阿譚補充:「同埋同一個食材,佢都會研究好多唔同整法,又會睇番人哋食完反應去改良,所以可以源源不絕。」




跟了鼎爺多時,阿譚承認廚藝確實有進步,「我最叻整咸魚煎肉餅,我不嬲都好鍾意食,跟佢學咗知道啲肉係要加啲水落去先至滑嘅。」阿譚食得多鼎爺手勢,但暫時對方未試過她廚藝,「我整過羊架畀佢食,但佢怕羊肉嘅羶味唔肯食,同埋佢其實最鍾意食飯㗎!」鼎爺就解釋:「睇住人哋食我整嘅嘢已經好滿足,唔使點畀餸我都得。」

疫情下減少去人多地方拍攝,兩人改到農場拍攝。
疫情下減少去人多地方拍攝,兩人改到農場拍攝。
疫境下鼎爺旗下食肆生意大受影響,但早前照跟囝囝李永豪開新店。
疫境下鼎爺旗下食肆生意大受影響,但早前照跟囝囝李永豪開新店。
其他文章
hd