首頁 即時娛樂

【頭條獨家】被指醉駕 懶理官司拍外景好笑容 楊明無意戒酒:又唔係毒品

26/11/2020 21:15:00
楊明心情大靚投入新劇外景,有嘢做就可以暫忘官非。
楊明心情大靚投入新劇外景,有嘢做就可以暫忘官非。

惹上官非嘅楊明近日忙拍TVB新劇《我家無難事》,日前就跟王君馨喺深水埗手藝市集拍足全日外景,拍完大半日文戲,再接住拍場飛撲兼碌樓梯戲,楊明瞓晒身力保男一位置,拍攝其間全程笑容滿面心情大好,惟獨問到月前被指醉駕炒車,會否見到酒就驚?他答得避忌:「點解呢?酒又唔係毒品。」採訪:方騫平 攝影:張詠森

心情大靚 楊明拍外景時四萬咁口,全日都不停笑,心情大靚。
心情大靚 楊明拍外景時四萬咁口,全日都不停笑,心情大靚。
主動吹水
楊明唔使埋位就同工作人員吹水,工作人員大讚楊明冇架子,仲話頒個最受幕後歡迎獎畀佢。
主動吹水 楊明唔使埋位就同工作人員吹水,工作人員大讚楊明冇架子,仲話頒個最受幕後歡迎獎畀佢。

當日先拍一場飾演設計師的楊明,落市集探訪王君馨場口,因為現場人多攤檔多,足足拍咗成個下午,不過,楊明心情大靚,除咗同冇戴口罩嘅女fans合照外,仲耐心跟小演員對稿,不時又撩吓台前幕後吹水,睇吓手機,全程笑到見牙唔見眼。入黑後就同王君馨有場嗌交戲,他要飛撲碌落樓梯,就算有替身,楊明點都要親力親為碌兩嘢,執返個大特寫鏡頭尾彩,飛撲碌落樓梯動作拍足十幾次都冇怨言,反而愈拍愈High。

扶住上車 本年8月8日凌晨,楊明在山頂炒車,車禍後需由兩名警員左右攙扶上救護車,再送往醫院治理。
扶住上車 本年8月8日凌晨,楊明在山頂炒車,車禍後需由兩名警員左右攙扶上救護車,再送往醫院治理。
瞓身賣命
親力親為飛撲碌落樓梯,楊明拍足十幾次都冇怨言。
瞓身賣命 親力親為飛撲碌落樓梯,楊明拍足十幾次都冇怨言。

炒車撞歷史石牆感內疚

接受《頭條日報》記者訪問時,王君馨表示老公返咗紐約同家人過感恩節,冇鼻鼾聲下瞓得好舒服。楊明即帶點興奮地說:「佢真係好精神,而我直情有精神病,日日開兩組,外景完到廠景,呢期戒瞓覺。」提到楊明喺8月8日凌晨,在山頂發生炒車意外,事後他解釋因為忙同夜瞓,搞到揸車分咗神所致,問會否擔心再生意外?他即說:「唔會掛?都OK嘅,有時得返兩三個鐘頭瞓覺,我會喺公司瞓,帶備牙膏牙刷,好似宿營咁。」至於被控門窗玻璃透光度不足、拒絕提供血液樣本以作化驗以及不小心駕駛共3項控罪,楊明承認官司一日未解決個心都會哽住哽住,但一做嘢就會忘記,始終要入戲:「收到路政署回覆,有關矮欄、石牆、告示牌等維修費大概5000蚊,交通意外中撞毀咗80年歷史老牆當然有內疚,但自己真係唔想嘅,希望損毀程度可以彌補到,唔好有太大嘅破壞。」


醉駕係某啲媒體諗出嚟

問楊明今後會否見到酒就驚,要同酒劃清界線時?楊明反應好快,反問記者「點解呢?」記者說:「因為涉醉駕炒車。」他帶點尷尬,煞有介事道:「梗係唔會啦,酒又唔係毒品,而且件事進入咗法律程序唔方便講,件事(醉駕)都係某啲媒體聯想出嚟,佢哋聯想唔代表係事實,如果要問不如問我,因為今次係交通意外,會唔會同車劃清界線啦?但我會答唔會,因為揸車一唔小心就會有意外㗎啦,咁以後咪同好多嘢要劃清界線?」至於今次炒車意外對他有乜啟發?他說:「未有,暫時都係拍劇同睇劇本,等我靜落嚟時再諗吓。」

搏到好盡 撲完最後都要碌多兩級樓梯。
搏到好盡 撲完最後都要碌多兩級樓梯。
笑到傻咗
戲內楊明同王君馨拍嗌交戲,戲外兩人打成一片,楊明仲笑到傻咗!
笑到傻咗 戲內楊明同王君馨拍嗌交戲,戲外兩人打成一片,楊明仲笑到傻咗!
耐心教戲 楊明好有耐性教小演員做戲。
耐心教戲 楊明好有耐性教小演員做戲。
下月提堂
面對三宗罪,楊明喺下月11日再提堂,而之前上庭時,女友莊思明有到場支持。
下月提堂 面對三宗罪,楊明喺下月11日再提堂,而之前上庭時,女友莊思明有到場支持。
撞毀文物 當日楊明座駕撞毀矮欄、石牆及告示牌,維修及行政費約為4,000多元。
撞毀文物 當日楊明座駕撞毀矮欄、石牆及告示牌,維修及行政費約為4,000多元。
其他文章
hd