首頁 即時娛樂

【頭條獨家】ViuTV冇高佬忍痛拍《男排女將》 193爆肥仔堅鍾意鄧麗欣

26/11/2020 23:30:00
193爆隊友肥仔真心鍾意女神鄧麗欣。
193爆隊友肥仔真心鍾意女神鄧麗欣。

真人真事改編的ViuTV新劇《男排女將》,由鄧麗欣率領飾演男子排球隊員的MIRROR及ERROR成員演出。肥仔(梁業)同193(郭嘉駿)唔算重戲份,但都好搶戲,193係「矮仔」隊中嘅最高一個經已好突出,而肥仔就成日搞鬼地帶動氣氛,令戲中眾人Keep住Energy,仲成日○氹到女神鄧麗欣哈哈大笑。採訪:方騫平 服裝:rulecrossingman_studio

肥仔同193身形一高一矮,相映成趣。
肥仔同193身形一高一矮,相映成趣。
拍煞科後即刻膽粗粗向女神「抄牌」,肥仔緊張到面紅紅。
拍煞科後即刻膽粗粗向女神「抄牌」,肥仔緊張到面紅紅。

飾演運動健將的193只客串6集戲,在劇中是最強嘅發球手,不過18年他參加《全民造星》時曾經斷過手,原來到𠵱家仲未完全康復,所以肥仔覺得193屬高難度演出。193說:「係呀,做動作易,但近距離鏡頭,觀眾係會見到隻手冇力。」

193喺隊中高人一等,就算wide shot都突圍。
193喺隊中高人一等,就算wide shot都突圍。
肥仔好開心有份拋起Stephy,同女神有身體接觸,193笑他們手仔唔安份。
肥仔好開心有份拋起Stephy,同女神有身體接觸,193笑他們手仔唔安份。

再三追問下,193坦言有推過戲:「我真係有推過戲嘅,所以戲份唔多,但編劇、導演話呢個角色係為我而設,既然咁講,只好問公司有冇幫我買保險?公司話有先去拍,後來我發現原來ViuTV冇一個高佬可以攔到網,所以咪一定要揀我囉!初頭用力去拍波都痛,但都冇問題嘅,講真打份工,一定要全力以赴,做到最好。」肥仔即搞笑和應:「啱呀!ViuTV宗旨嚟嘛!」193反問:「好似搞錯咗喎!」至於肥仔多數喺場邊打氣,亦不時大聲提醒隊員:「大家快手,爽手啲!」193取笑他喺大wide shot搶Fo,「得鼻屎咁細粒!」肥仔最開心可以同女神Stephy合作,拍煞科戲時仲成功「抄牌」。193踢爆肥仔真心鍾意Stephy,肥仔承認有偷睇女神拍咀戲,心諗:「如果係我就好喇!」193說:「佢淡妝都好靚,我成日近望佢,但佢唔知,Stephy直情係揀嚟做老婆啦!跟住生埋後代,仔女一定係好靚。」

193曾因傷患推拍《男排女將》,所以佔戲唔多。
193曾因傷患推拍《男排女將》,所以佔戲唔多。
18年,193參加《全民造星》演出時曾經斷過手,𠵱家仲未完全康復。
18年,193參加《全民造星》演出時曾經斷過手,𠵱家仲未完全康復。
其他文章
hd