首頁 即時娛樂

【頭條獨家】同拍擋林子超開健身學校 楊柳青學生多女生男友唔使驚

26/11/2020 23:48:00
Andy大爆Wiyona性格「港女」愛打卡,兩人合夥做生意仲勁嗌交。
Andy大爆Wiyona性格「港女」愛打卡,兩人合夥做生意仲勁嗌交。

楊柳青(Wiyona)與林子超(Andy)近日在「疫」境下,合資6位數於上環開設健身藝術學校,Wiyona笑稱幾乎傾盡全副身家,她喊道:「唔好再嘔錢喇,而家要踩單車返嚟喇!」不過,Andy就爆全因對方設計了不少打卡位,二人仲為此嗌了多次交,好在最終都無傷和氣。撰文:黎寶倫攝影:張詠森場地:Studio 12

Wiyona和Andy於「疫」境下合資開健身藝術學校。
Wiyona和Andy於「疫」境下合資開健身藝術學校。
擁健身教練牌的Wiyona和舞蹈老師Andy均會親自教堂。
擁健身教練牌的Wiyona和舞蹈老師Andy均會親自教堂。

因為楊柳青發現上環一個筍舖,在幼稚園教跳舞近4年的林子超終於圓夢開Studio,在疫境下創業的他無懼生意受影響:「有危先有機,呢度開業1個月,喺冇大肆宣傳下生意都唔錯,好多朋友都已經搵我哋報堂,好鼓舞。」講到在裝潢上花了不少心思,最終更超支3倍,兩人直言為此嗌了多次交,Andy即爆Wiyona性格「港女」愛打卡,他說:「我覺得唔需要咁多打卡位,係咪應該着重課堂同空間多啲呢?但而家我哋嘅拗撬去到尾聲喇。(你讓佢多?)大家互讓啦,我都惡頂嘅。」

Andy開Studio讓幼稚園畢業的小朋友可繼續跟他學跳舞。
Andy開Studio讓幼稚園畢業的小朋友可繼續跟他學跳舞。
負責打卡位的Wiyona在店內外設計多個影相靚景。
負責打卡位的Wiyona在店內外設計多個影相靚景。

雖然對住做事認真的Andy甚大壓力,但Wiyona認為一凹一凸互補也不錯,「做嘢就要互相包容,好似拍拖咁。」兩人又盼繼續合作開分店,Andy更打趣道:「希望分店遍布全球有華人嘅地方!」提到教健身的陳婉衡曾與學生操出師生戀,與外籍男友感情穩定的Wiyona即向另一半大派定心丸:「 我嘅堂以女仔為主,所以唔擔心,男友都鼓勵我去Inspire多啲人做運動,仲叫朋友嚟支持我,我生意好佢都會開心。(男友介意你着性感小背心?)唔會,平時我好男仔頭,唔係幕前咁性感,做運動係好開心、好正面嘅嘢。」

Fit爆的Wiyona盼感染女生勤力做Gym,建立自信。
Fit爆的Wiyona盼感染女生勤力做Gym,建立自信。
Wiyona和Andy夾份搞生意實有拗撬,但無損友情。
Wiyona和Andy夾份搞生意實有拗撬,但無損友情。
開幕當日,陳展鵬、金牌監製劉家豪和梅小青等均現身撐場。
開幕當日,陳展鵬、金牌監製劉家豪和梅小青等均現身撐場。
其他文章
hd