首頁 即時娛樂

【頭條獨家】𦧲飯應做《造星III》肉緊導師 花姐大讚林二汶彭秀慧好抵用

27/11/2020 03:18:00
林二汶和彭秀慧「𦧲飯應」做《全民造星III》肉緊導師,花姐更大讚她們好抵用。
林二汶和彭秀慧「𦧲飯應」做《全民造星III》肉緊導師,花姐更大讚她們好抵用。

ViuTV《全民造星III》播出以來,除一班參賽者成為話題,導師林二汶和彭秀慧(KP)一樣令人睇得肉緊,原來當日花姐(監製黃慧君)睇中兩人易「落搭」,而她們就笑言是「𦧲飯應」做。花姐拍落大讚兩人勁抵用,她們為學員仆心仆命,二汶慘變喊包;KP更要靠玩app減壓;而經驗豐富的花姐,竟然亦被學員努力感動,搞到要公開向他們講對唔住。撰文:杜淑霞 攝影:李維隆

花姐同二汶和KP好鬼夾,除食住薯片睇騷,仲想搞個節目一齊玩。
花姐同二汶和KP好鬼夾,除食住薯片睇騷,仲想搞個節目一齊玩。
二汶和KP在節目中的互動相當搞笑,亦睇出兩人的友誼。
二汶和KP在節目中的互動相當搞笑,亦睇出兩人的友誼。




花姐最初期構思節目從第二輯節目評判入手搵導師,她睇中二汶和KP,因發覺兩人好愛節目會「落搭」,當節目拍攝期間,她便肯定冇搵錯人,「呢兩個人嘅投入係我難以想像,佢哋𠵱家好似無端端生咗廿幾個仔女,要好好照顧佢哋,又做經理人、保母、阿媽,上兩輯我要負責嘅嘢,佢哋一嘢已經仆到出去做,唔使我煩,我覺得係好抵。」而兩人自爆其實是「𦧲飯應」做,因覺得自己適合做,亦好想同學員分享。

花姐坦承兩位導演情緒起伏令節目更好睇,「(暗爽?)唔使暗,我直情喺佢哋面前爽畀佢哋睇!」
花姐坦承兩位導演情緒起伏令節目更好睇,「(暗爽?)唔使暗,我直情喺佢哋面前爽畀佢哋睇!」
三人在後台的反應和表現,有時真係精彩過參賽者演出。
三人在後台的反應和表現,有時真係精彩過參賽者演出。




二汶和KP在前哨戰在後台搶人入組,互相推撞,甚至爆埋粗,但強調無損友誼,二汶反而認為到分組賽,好多情況不能跟KP分享而變得失落。二汶又因為太投入節目,竟變成喊包,「我估唔到自己喊咁多,我平時係唔喊!(KP:我識佢咁耐冇見過佢喊!)(花:直情感覺佢痛!)有次喊到佢哋直情分別send message畀我,問我有冇嘢。我見到佢哋(KP)嘅人輸都喊!」至於KP遇到過程中低落,就選擇玩app帶走負面情緒,「好似好鬼迷信咁,有個類似星座嘅app,佢唔係睇你星座,但係會分析你性格,有幾晚返去睇嘅時候係安撫咗我。」



講到花姐最近分別跟參賽者Timo(江宏基)和Ansonbean(陳毅燊)合作拍廣告,她澄清全程由廣告商安排,「係廣告商攞名單自己casting嘅,我都係去到拍前一兩日我先知係邊個,絕對冇偏心。(Timo傳係內定冠軍?)冇內定㗎!我心入面淨係得MIRROR同ERROR。」另外,她更點名要向Odi(陳康琪)和班長(李明憲)講對唔住,因自己太主觀,但接觸過發覺兩人都努力,對他們已改觀。

分組賽開始,三人不用在後台睇演出,舒服好多。
分組賽開始,三人不用在後台睇演出,舒服好多。
二汶為了節目,突然變了喊包。
二汶為了節目,突然變了喊包。
花姐點名要向B2組的Odi(左三)同班長(右三)道歉,而KP就話這組的CY(陳澤言,右)的變化好好睇。
花姐點名要向B2組的Odi(左三)同班長(右三)道歉,而KP就話這組的CY(陳澤言,右)的變化好好睇。
Timo因同花姐拍廣告,傳為節目內定冠軍。
Timo因同花姐拍廣告,傳為節目內定冠軍。
其他文章
hd