首頁 即時娛樂

【萌B】小豬比入神聽歌小黃妃牙牙學語 網民激讚超級可愛

28/11/2020 09:00:00
陳展鵬嘅小豬比,同黃澤鋒嘅小黃妃堅靚女喎。
陳展鵬嘅小豬比,同黃澤鋒嘅小黃妃堅靚女喎。

陳展鵬與單文柔(Phoebe)嘅寶貝囡囡陳諾瑤(小豬比)愈大愈可愛,今日凌晨展鵬放咗兩張小豬比戴住耳筒相,問:「大家估吓小豬比聽緊咩歌?會唔會係爸爸嘅歌?」其實聽咩歌係其次,重點係歲半大小豬比束住條孖辮仔,花花髮夾襯瀏海,眼大大,下巴尖尖,皮膚白白滑滑,仲要聽到笑笑口,個樣可愛到爆炸,冧死人。網民留言大讚「超級可愛」,有人話「肯定係暖男爸爸嘅歌啦」、「和媽媽一樣中意~差半步~?」

 

至於同係53歲嘅黃澤鋒和太太陳麗麗,寶貝女黃熙恩(小黃妃)都係就快歲半大,同樣非常精靈活潑,天生攣毛嘅小黃妃啱啱剪咗新髮型換上新形象,加埋副BB太陽眼鏡,變身「黑超B」招積妹。她還隨父母到拳館為師公賀壽,氹到師公高舉勝利手勢。着住短裙仔襯長襪,頭髮濃密嘅小黃妃唔止眼碌碌,仲好好笑容,笑晒口咁牙牙學語,人見人愛,唔使扶住,小黃妃可以喺膠墊上向前向後行兩步,真係又靚又叻女呀!

小豬比咁靚女,究竟似媽媽單文柔定爸爸陳展鵬呢?
小豬比咁靚女,究竟似媽媽單文柔定爸爸陳展鵬呢?
小黃妃係53歲嘅黃澤鋒和太太陳麗麗心肝寶貝。
小黃妃係53歲嘅黃澤鋒和太太陳麗麗心肝寶貝。

小豬比愈大愈精靈。
小豬比愈大愈精靈。
小黃妃既聰明又可愛。
小黃妃既聰明又可愛。

陳展鵬畀前世情人冧到暈。
陳展鵬畀前世情人冧到暈。
黃澤鋒同囡囡睡姿一樣,好搞笑。
黃澤鋒同囡囡睡姿一樣,好搞笑。
小豬比
小豬比
小黃妃
小黃妃
其他文章
hd