首頁 即時娛樂

張敬軒安排坐VIP位 「遮遮」拎麵包入紅館踩場

28/11/2020 15:43:00
軒仔的「遮遮」拎住袋麵包踩入紅館,引起觀眾哄動。
軒仔的「遮遮」拎住袋麵包踩入紅館,引起觀眾哄動。

張敬軒紅館騷昨晚進入第6場,到第4環節給大家看他那透視裝的背脊,笑言算是他在紅館開唱以來最少布的一件衫,並多謝家裏的工人姐姐給他吃得麵包白粥多,所以背脊粒粒都消失!繼而他驚喜謂:「未加場前本身今晚係尾場,我一早預備請咗好多好朋友,家人嚟睇……」歌迷此時已經聰明不停大叫:「遮遮!」軒仔就笑着向大家介紹:「我想同大實介紹一個好朋友,佢就係你哋每日係網上見到幫我煮早餐嗰位姐姐!」坐VIP位的「遮遮」隨即開心起身同台上的軒仔及觀眾打招呼,獲觀眾報以掌聲和歡呼聲!

軒仔晒白滑背謝遮遮的麵包和白粥。
軒仔晒白滑背謝遮遮的麵包和白粥。
遮遮坐VIP地位不凡。
遮遮坐VIP地位不凡。


「遮遮」見軒Sir開心,觀眾又反應熱烈,突然於座位邊抽起一袋麵包,似跟軒Sir示意,已買了明日為他準備的早餐,引得全場再次爆笑及掌聲。見到「遮遮」揮着麵包,軒仔都忍不住大笑,反問袋包是早餐還是宵夜?軒仔開心表示:「佢之前一直照顧開80幾歲婆婆,所以佢最初嚟到都有問我:Sir,我好耐未照顧過teenager!你有咩想食?煎蛋?煎腸?嗰啲大家都喺網上見到啦吓,哈哈哈……佢雖然唔係我心目中朝朝可以畀個半島早餐我嘅工人,但當我影完佢煮畀我嘅早餐,分享出來畀大家咁開心,帶到畀好多人歡樂,所以我今(昨)晚要多謝吓『遮遮』,Thank you for bringing the joy to my life!你為好多朋友帶嚟好多快樂。」

現場上演歌迷求婚記。
現場上演歌迷求婚記。
軒仔準備埋利是。
軒仔準備埋利是。


此外,當晚軒仔又出心出力為歌迷現場求婚,連親筆簽名利是都準備好,場面感人。

其他文章
hd