首頁 即時娛樂

郭偉亮開新頻道玩德州撲克 爆何超儀最好運葉佩雯周秀娜被重罰

29/11/2020 18:09:00
輸家Eric Kwok夫婦、周秀娜齊齊食到嘔,只有好好運嘅何超儀好風騷。
輸家Eric Kwok夫婦、周秀娜齊齊食到嘔,只有好好運嘅何超儀好風騷。

音樂人Eric Kwok(郭偉亮)與好友劉皓龍和谷德昭於YouTube開設新頻道《Round Table Poker》,大玩德州撲克,每集邀請好友參與,將會逢星期一、四推出。雖然節目中會玩德州撲克,但並非以錢作為賭注,而是輸家接受大懲罰吃自己極不喜歡的食物,葉佩雯(Grace)、周秀娜及賭王何鴻燊女兒何超儀在節目的宣傳片出現,Grace不情願吃豬脷;而老公Eric食榴槤食到嘔;而周秀娜亦吃得痛苦,原來Eric Kwok畀她最怕食嘅blue cheese同狗罐頭濕糧畀佢揀,但最終娜姐揀乜先賣個關子。最爆笑是谷德昭表示能夠跟姓何的後人(指何超儀)在賭枱上一較高下,並會全力以赴。

對於葉佩雯(Grace)接受大懲罰時要吃豬脷,Eric說:「成條脷買返嚟覺得個樣好核突,其實食落去冇乜嘢!好似鴨腎咁!我就最怕食榴槤、納豆,Grace就冇問題,所以成條豬脷畀佢囉!」Eric表示節目會主力邀請女嘉賓,皆因有女性參與會效果好睇,而且開設這個節目主要想教導大家玩德州撲克,亦知道圈中好多女性玩得幾叻。他說:「有一集周秀娜嚟玩,但佢唔識玩由我地教佢,亦教埋觀眾玩。其實呢個騷搞笑傾偈又玩住Poker,但喺枱度玩就會出現好多真性情,你知牌品好、人品好㗎啦!何超儀呢集好堅呀!真係唔好睇少何家後人,有賭王照住佢,佢啲牌勁到呢!」

音樂人Eric Kwok與劉皓龍和谷德昭於YouTube開設新頻道《Round Table Poker》,大玩德州撲克。
音樂人Eric Kwok與劉皓龍和谷德昭於YouTube開設新頻道《Round Table Poker》,大玩德州撲克。
Eric Kwok夫婦玩德州撲克期間都要鬥演技。
Eric Kwok夫婦玩德州撲克期間都要鬥演技。

葉佩雯要食豬脷免切。
葉佩雯要食豬脷免切。
肥谷被罰食辣嘢。
肥谷被罰食辣嘢。

娜姐食乜食得咁嘅樣?
娜姐食乜食得咁嘅樣?
何超儀食吓生日蛋糕啫,算係好爽嘅懲罰。
何超儀食吓生日蛋糕啫,算係好爽嘅懲罰。
Eric 食榴槤食到嘔。
Eric 食榴槤食到嘔。
劉浩龍及谷德昭飲到個樣好慘,師兄仲飲到嘔晒白泡。
劉浩龍及谷德昭飲到個樣好慘,師兄仲飲到嘔晒白泡。
劉浩龍及郭偉亮比示中仲考埋牌品。
劉浩龍及郭偉亮比示中仲考埋牌品。
其他文章
hd