首頁 即時娛樂

王浩信被8歲囡囡叫Bro 陳豪冇刻意三年抱三:一行埋就有

29/11/2020 18:37:00
王浩信好少講囡囡,原來兩父女咁好感情;陳豪搞笑說同老婆一行埋就有B。
王浩信好少講囡囡,原來兩父女咁好感情;陳豪搞笑說同老婆一行埋就有B。

王浩信、陳豪和鄭丹瑞(旦哥)三位「型爸」接受《Tiger's Talk》訪問,宣傳邵氐劇集《非凡三俠》。王浩信表示女兒現時8歲,父女關係非常好,說:「我哋個世界都仲係一齊,大家會傾心事,我有時拍戲拍咩都會同佢講。放假時候,我哋會一齊去做運動、睇書、打機,佢學識游水同踩單車都係我親自教佢。有時佢直情唔小心叫我做Bro(兄弟)。」主持人林盛斌(Bob)羨慕不已,他笑指家中四個小朋友經常錯叫他做「媽咪」。陳豪即說:「你都好啦叫媽咪,我啲小朋友叫錯我做姐姐,佢哋有時口快快!」

陳豪的三個小朋友分別6歲、5歲和4歲,對於陳豪三年抱三,連Bob都讚厲害。陳豪即時面紅說:「唔係刻意,不過一行埋就有…」,他認為論父子和父女間的溝通還早,因大仔才剛剛升上一年班。他說:「佢學緊游水,我哋先經歷到佢唔可以再入女廁,變相去完游水要自己識得沖涼,慢慢去學,佢仲係好細個。游水就交畀教練教,讀書寫字,特別係中文字就我教,冇辦法,屋企得我一個識中文,起碼學識寫自己名。」

鄭丹瑞、陳豪、王浩信
鄭丹瑞、陳豪、王浩信
鄭丹瑞、陳豪、王浩信加埋Bob大談仔女經。
鄭丹瑞、陳豪、王浩信加埋Bob大談仔女經。


面對兩位年輕爸爸,旦哥的兩個女兒已經快滿30歲,他立即向他們拋下震撼彈,說:「我兩個女10歲左右,我老婆就慢慢教佢哋飲酒,你預佢哋15、6歲就開始要去蘭桂坊玩,咩酒都畀佢試吓,畀佢哋知到底係咩。」他自言是開通爸爸,細女學鋼管舞都非常鼓勵,直至她表演邀請一家三口捧場。旦哥說:「300幾蚊,我哋一家三口去,起初都冇乜事,突然扯開衫褲著T-back加Bra Top,我同老婆嚇一跳。完騷就梗係照樣話跳得好好睇,Very Good,表面上冇乜嘢,呢種舞係要咁性感先好玩,我當然照畀佢玩,不過之後就唔會再去睇。」他說周日是家庭日,就算細女搬出去住,都會自動自覺返家食飯,還會帶同外籍男友回家一齊打麻雀。

問到會否能接受女兒帶男友回家的一刻?王浩信唉聲嘆氣說:「我依家就係想維持Bro(兄弟)關係,將來真係拍拖都唔好離我太遠,被人hurt完都返嚟話我知,等我開解佢,唔好自己匿埋。由細細個開始建立友誼,可能將來佢去蘭桂坊會帶埋我呢?」身旁的旦哥不禁冷笑潑冷水。

其他文章
hd