首頁 即時娛樂

【頭條獨家】《造星III》十強大熱起底 屋企開3間跳舞學校 ANSONBEAN有個猛料媽咪

01/12/2020 00:18:00
ANSONBEAN在《全民造星III》絕對是十強大熱,原來媽咪林佩佩相當猛料,除了開3間跳舞學校,仲同圈中人好熟。
ANSONBEAN在《全民造星III》絕對是十強大熱,原來媽咪林佩佩相當猛料,除了開3間跳舞學校,仲同圈中人好熟。

ViuTV真人騷《全民造星III》剛進入40強階段,剛滿20歲個樣似韓仔、兼且唱得又跳得的ANSONBEAN(陳毅燊),每次出場都唔會令人失望,加上有份同花姐拍廣告,睇個勢絕對有機會殺入十強攞埋冠軍。《頭條》收到料,原來ANSONBEAN咁跳得,同佢有個猛料媽咪林佩佩有好大關係,據知ANSON媽除咗開3間舞蹈學校,仲提名過李珊珊同歐陽妙芝參加港姐,同好多圈中人都好鬼熟㗎!咁捧埋阿仔入行都好正路啫!撰文:杜淑霞

ANSONBEAN對矇豬眼加埋親切笑容,令他冧到不少女粉絲。
ANSONBEAN對矇豬眼加埋親切笑容,令他冧到不少女粉絲。
ANSONBEAN跟花姐合作拍攝該節目冠名贊助的銀行廣告,即時被網民封他為「契豆」,成為花姐新契仔。
ANSONBEAN跟花姐合作拍攝該節目冠名贊助的銀行廣告,即時被網民封他為「契豆」,成為花姐新契仔。





《造星III》參賽者中,ANSONBEAN由面試到前哨戰都相當亮眼,搞到花姐同兩個導師林二汶同彭秀慧,都畀佢冧到心心眼。除咗他有討好外型似足韓仔有對矇豬眼外,唱歌唔差之餘,最重要真係堅跳得,一睇就知舞蹈根底好好,原來都係拜有個一樣好跳得的ANSON媽林佩佩所賜。



據知,自小學跳舞兼讀過演藝的ANSON媽,早在30幾年前已經開設舞蹈學校,主要教授Funky Dance。現時在佐敦、灣仔和官塘都有分校,仲間間校舍都過萬呎,在呢個環境下ANSONBEAN又點會唔愛跳舞,所以他和細佬細細個已學跳舞,近年仲加入埋媽咪成立的舞團「Unikrew」四出表演。

50強爭入40強,ANSONBEAN代表B3組出賽搶盡風頭,搞到導師彭秀慧high到爆。
50強爭入40強,ANSONBEAN代表B3組出賽搶盡風頭,搞到導師彭秀慧high到爆。
自小習舞的ANSON媽林佩佩,一樣好跳得。
自小習舞的ANSON媽林佩佩,一樣好跳得。



ANSON媽圈中人脈廣


ANSON媽本身除了教跳舞開學校,旗下仲有演藝製作公司,本身都同好多圈中人好熟絡,96年及97年就先後提名過李珊珊和歐陽妙芝參加香港小姐,最終李珊珊成為冠軍,而歐陽妙芝亦成功打入最後五強。去年,ANSON媽公司仲有份幫張彥博演唱會《MORE張彥博MUSIC 2019》編舞。18年曾志偉監製的電影《黃金兄弟》,亦有邀請ANSON媽去睇首映,就知ANSON媽在娛樂圈廣結人緣啦!



其實ANSONBEAN本身已是「Style International Management」旗下待出道藝人,身為日本名模水原希子、AngelaBaby、馮德倫、熊黛林和廖碧兒的同門師弟已經贏在起跑線,仲要有個咁多人脈咁猛料的媽咪,相信就算唔能夠成功在《造星III》奪冠,在娛樂圈紅都唔難囉!

ANSON媽在社交平台,都有狂post囝囝參加《造星III》消息。
ANSON媽在社交平台,都有狂post囝囝參加《造星III》消息。
18年ANSON媽獲邀出席曾志偉監製的電影《黃金兄弟》首映禮。
18年ANSON媽獲邀出席曾志偉監製的電影《黃金兄弟》首映禮。
去年ANSON媽公司有份幫張彥博演唱會《MORE 張彥博MUSIC 2019》編舞。
去年ANSON媽公司有份幫張彥博演唱會《MORE 張彥博MUSIC 2019》編舞。
ANSONBEAN除了有個猛料媽咪,陳爸爸亦是製作公司導演,而細路Ian亦屬跳得之人。
ANSONBEAN除了有個猛料媽咪,陳爸爸亦是製作公司導演,而細路Ian亦屬跳得之人。
ANSONBEAN細個同父母細佬齊齊慶祝生日。
ANSONBEAN細個同父母細佬齊齊慶祝生日。
細細個的ANSONBEAN已經被陳爸爸訓練舞功。
細細個的ANSONBEAN已經被陳爸爸訓練舞功。
小時候的ANSONBEAN,已在舞蹈學校玩大。
小時候的ANSONBEAN,已在舞蹈學校玩大。
早前ANSONBEAN的20歲生日,父母都有陪他慶祝。
早前ANSONBEAN的20歲生日,父母都有陪他慶祝。
其他文章
hd