首頁 即時娛樂

【輸人唔輸陣】否認變陣憾《全民造星III》 TVB杜之克:疫境下為大家打氣

03/12/2020 01:03:00
無綫副總經理杜之克否認ViuTV《全民造星III》(下圖)亂了TVB陣腳,要改播劇集《香港愛情故事》(上圖)壓陣。
無綫副總經理杜之克否認ViuTV《全民造星III》(下圖)亂了TVB陣腳,要改播劇集《香港愛情故事》(上圖)壓陣。

ViuTV喺晚上十點半播出嘅大型選秀節目《全民造星III》話題十足,好受年青歡迎,TVB同一時間播出嘅《阿爺廚房》口碑明顯比下去。有指無線為對撼《全民造星III》而作出新變陣,喺下周一晚開始十點半時段,臨時抽起原先播出嘅《港產旅行團》節目,改播劇集《香港愛情故事》兼延後晚間新聞嘅播出時間,由以往3線劇集變4線劇集。

龔嘉欣、羅天宇、王敏奕、謝東閔、洪永城等昨日出席「再見2020」記者會,宣傳由下周一起無線推出多個嘅全新節目,包括《香港愛情故事》、《再見2020你還好嗎》、《衝上雲霄大選》、《2020大事回顧》、《非凡三俠》及《逆境前行我要繼續做老闆》等,由無線副總經理杜之克及助理總經理余詠珊主持啟動儀式。杜之克說,今次係6個節目橫跨一個月的安排,若說為咗友台而變陣未免講得誇張咗。

他解釋表示,無線動機好清晰,目的為大家打氣。因為疫情對全世界影響好大,希望為成件事做點事,積極面對困難。他指今年疫情大家捱到12月,與其覺得好難過,倒不如積極一點,安排幾個特備節目,關懷社會新情況,再見2020,迎接開心2021年。對於臨時抽起《港產旅行團》節目,他說製作上很多時遇到困難,節目不斷變動,有好多計畫未必做到。

無綫副總經理杜之克及助理總經理余詠珊主持「再見2020」啟動儀式。
無綫副總經理杜之克及助理總經理余詠珊主持「再見2020」啟動儀式。
《全民造星III》來勢洶洶,話題性十足,好受年青人歡迎。
《全民造星III》來勢洶洶,話題性十足,好受年青人歡迎。

《阿爺廚房》播咗幾輯,萬變不離其中。
《阿爺廚房》播咗幾輯,萬變不離其中。

其他文章
hd