首頁 即時娛樂

【頭條獨家】被二汶踢走 巴打罷睇《造星III》 「翻版石原」Christine歌手夢未碎

03/12/2020 21:00:00
Christine於上周播出的《造星III》終被導師二汶Foul出局,惹來全城哀號!
Christine於上周播出的《造星III》終被導師二汶Foul出局,惹來全城哀號!

ViuTV選秀真人騷《全民造星III》正播得如火如荼,首輪分組對決於上周結束,深得男工作人員及巴打歡心、有「港版石原聰美」之稱的44吋長腿鄭嘉欣(Christine)被導師二汶Foul出局,惹來全城哀號,支持者在討論區表達不滿,聲言罷睇,甚至燒at17啲碟!事後Christine爆喊嗌不捨,她接受《頭條日報》記者訪問時表示絕不就此放棄歌手夢:「公司有同我傾,可能會出歌,而家都多咗好多廣告。」撰文:黎寶倫攝影:張詠森

27歲的Christine是太陽娛樂旗下藝人,她透露正跟公司洽談出歌事宜。
27歲的Christine是太陽娛樂旗下藝人,她透露正跟公司洽談出歌事宜。
樣靚身材正的Christine表示會努力增值自己,洗脫「花瓶」形象。
樣靚身材正的Christine表示會努力增值自己,洗脫「花瓶」形象。

《全民造星III》自開播以來掀起不少話題,上周40強揭盅後,好多網民都戥被Foul出局的參賽者唔抵,當中巴打們最不捨的是身高178cm的「港版石原聰美」鄭嘉欣!有粉絲在討論區留言稱嬲到「差啲掉爛部電視」,又揚言罷睇《造星III》,甚至傳有男工作人員衝入房向監製花姐(黃慧君)求情,對此Christine表示:「多謝網民戥我唔抵,但我覺得導師有自己嘅考量,留得低嘅隊員都一定有佢哋過人之處,希望佢哋加油,我都會加油!」

衰冇自信
至於比賽中輸啲乜?模特兒出身的Christine坦認缺乏自信,以致未能展現出自己的獨特性。談到10多年後重拾跳舞,要短時間內趕上大家的進度,Christine亦倍感壓力而數度爆喊,幸得戰友們指導,「Alan、陳葦璇都係出道好耐嘅歌手,喺佢哋身上吸收到好多唔同嘅經驗,參加比賽最緊要挑戰同超越自己,去到呢個階段已經當自己贏咗,無論心態、技能都提升好多。」由細夢想當歌手的她又謂勢必踩入樂壇,「我一定唔會放棄,呢個夢想已經堅持咗好耐,完咗比賽反而先係啱啱開始。」

不少巴打戥被淘汰的Christine唔抵。
不少巴打戥被淘汰的Christine唔抵。
有人表示從此罷睇《造星III》。
有人表示從此罷睇《造星III》。

接受批評
對於被恨批是「花瓶」,Christine坦言外界對靚的既定印象是「乜都唔識、唔使點做」,但自己好畀心機去洗脫這個印象,亦一直有跟老師學唱歌。不過,當問到揀樣靚身材正定跳唱了得?她還是搞笑稱:「樣靚身材正,因為唱歌跳舞可以靠後天!」所謂樹大招風,有人歡喜的同時亦有Haters,提到石原粉絲轟她有辱女神兼哨牙,Christine自問不似神級的石原,也不敢跟對方比較,「睇到評論都係鬧嘅,有少少唔開心,但做得公眾人物就一定有好多唔同聲音,我會接受,可能某啲角度有少少哨牙,希望大家快啲睇到我真人啦,真人好啲,哈哈。」

有人甚至要燒晒at17啲碟。
有人甚至要燒晒at17啲碟。
雖然獲安排入「雜牌軍組」,但Christine指留低的隊員都好好,很不捨一齊拼博的隊友。
雖然獲安排入「雜牌軍組」,但Christine指留低的隊員都好好,很不捨一齊拼博的隊友。
由細熱愛唱歌的Christine鍾意唱K,仲成日搶咪,又會喺浴室唱一、兩個鐘。
由細熱愛唱歌的Christine鍾意唱K,仲成日搶咪,又會喺浴室唱一、兩個鐘。
被酸民嘲哨牙的Christine直言不敢看節目中的訪問片,皆因一直想箍牙的她都覺得肉酸。
被酸民嘲哨牙的Christine直言不敢看節目中的訪問片,皆因一直想箍牙的她都覺得肉酸。
Christine覺得監製、導師們較喜歡男仔,但後段也開始對女參賽者改觀,故不存在偏心情況。
Christine覺得監製、導師們較喜歡男仔,但後段也開始對女參賽者改觀,故不存在偏心情況。
Christine表示睇好大熱的ANSONBEAN(左)、Manson(右二)和Cloud殺入3甲!
Christine表示睇好大熱的ANSONBEAN(左)、Manson(右二)和Cloud殺入3甲!
小學6年班已超過1.6米的Christine自爆18歲先拍拖,初戀男友矮自己半個頭,目前單身的她盼覓得差不多高的對象。
小學6年班已超過1.6米的Christine自爆18歲先拍拖,初戀男友矮自己半個頭,目前單身的她盼覓得差不多高的對象。
Christine早前於處女作《把砒霜留給自己》之單元《水底三十尺》中,飾演金融界OL兼小肥女友。
Christine早前於處女作《把砒霜留給自己》之單元《水底三十尺》中,飾演金融界OL兼小肥女友。
Christine擁有44吋長腿,引死唔少宅男。
Christine擁有44吋長腿,引死唔少宅男。
Christine獲網民封為「港版石原聰美」。
Christine獲網民封為「港版石原聰美」。
石原聰美
石原聰美
其他文章
hd