首頁 即時娛樂

【頭條獨家】佩服秦沛對演藝團火不滅 王浩信笑要學埋keep二頭肌

03/12/2020 23:58:00
浩信好佩服Paul哥多年來對演藝工作團火不滅,更笑指要學埋對方keep住二頭肌。
浩信好佩服Paul哥多年來對演藝工作團火不滅,更笑指要學埋對方keep住二頭肌。

王浩信在劇集《踩過界II》中再度飾演「盲俠」大律師,他承認壓力來自令觀眾覺得有突破,不過今次遇上好多好拍檔,除了跟演同樣是視障人士的師妹張曦雯談情外,與難得拍劇的秦沛(Paul哥)亦有不少對手戲,有機會偷師之餘,仲感受到Paul哥70年來對演藝工作那團火依然旺盛,更指笑Paul哥連身形及二頭肌一樣keep到,絕對是他奮鬥的目標及榜樣。撰文:杜淑霞 攝影:譚壹致 髮型:Sue Cheung @Hair Corner 服裝:SANDRO HOMME

浩信認為演繹續集時,雖然有上次經驗,但一樣因怕難有突破而有壓力。
浩信認為演繹續集時,雖然有上次經驗,但一樣因怕難有突破而有壓力。
劇中浩信跟Paul哥飾演兩師徒,因價值觀不同有不少衝突。
劇中浩信跟Paul哥飾演兩師徒,因價值觀不同有不少衝突。




今次是浩信跟張曦雯初次合作,未開拍前他已感受到新拍檔好掂,「大家一齊上學扮視障人士嘅堂,佢好聰明,𠵱家啲90後都好聰明,可能大家食嗰啲奶粉有關,哈哈!大家追求演出感覺都好一致,其實佢個角色唔易演,但係佢都拿捏得好好。」

年屆76的Paul哥,仍堅持做健身,難怪浩信讚他keep到二頭肌。
年屆76的Paul哥,仍堅持做健身,難怪浩信讚他keep到二頭肌。
同樣愛健身的浩信,身形向來keep得好fit。
同樣愛健身的浩信,身形向來keep得好fit。




浩信最開心繼電影《催眠裁決》後,能夠再跟Paul哥合作,「可能因為喺電影大家接觸過,佢喺現場提供咗好輕鬆嘅感覺畀大家去創作,反而個壓力係嚟自今次係一個續集,你點樣再畀一啲唔同嘅嘢觀眾睇呢!?」雖然劇內他跟Paul哥兩師徒火藥味濃,但劇外卻無所不談,「好想請佢食飯㗎!佢唔畀我哋請仲請番轉頭,好照顧大家。佢去到今時今日仲做緊Gym,疫情都喺酒店房攞住個啞鈴舉嘢,仲叫我鍊吓佢個二頭肌!(向佢學習?)當然我係要向佢學習。最難得佢70年都keep住嗰團火,好似keep住個二頭肌一樣,等佢唔好墮。(係咪目標?)我都鍾意㗎!但好難講嘅我好微少,睇個天想擺你喺邊,不過我會盡力。」



講到有否信心憑《踩過界II》及《反黑路人甲》再奪視帝,他說:「有啲啦!好難講,但係想《反黑》多啲獎項,因為喜劇係我最鍾意嘅類型,終於拍到,而喜劇好似喺獎項禮唔掛勾咁,但係今次喺大家心目中有啲印象,梗係希望年尾成個團隊可以有啲鼓勵。」

浩信跟張曦雯的感情戲,最難忘肯定是這場在雨中跳舞。
浩信跟張曦雯的感情戲,最難忘肯定是這場在雨中跳舞。
再跟張振朗和蔡思貝合作,浩信覺得默契更勝從前。
再跟張振朗和蔡思貝合作,浩信覺得默契更勝從前。
其他文章
hd