首頁 即時娛樂

【頭條獨家】處男個唱隨時三度改期 雷有輝好樂觀仍照常綵排

03/12/2020 23:58:00
食正第四波疫情,雷有輝於戲曲中心舉行嘅兩場處男個唱,隨時三度改期。
食正第四波疫情,雷有輝於戲曲中心舉行嘅兩場處男個唱,隨時三度改期。

喺疫情下,太極樂隊主音雷有輝(Patrick)舉行嘅處男演唱會一波三折,由最初8月15日開騷順延到10月,跟住押後到12月19及20日。由於第4波疫情嚴峻,限聚令又再收緊,演出再有變數,Pat哥聽從老闆安排平靜面對:「主辦單位好堅持show must go on,只不過係遲早嘅事。」採訪:方騫平

上月中,Pat哥帶記者參觀演出場地,分享他「望見家鄉」的開show心情。
上月中,Pat哥帶記者參觀演出場地,分享他「望見家鄉」的開show心情。
Pat哥仲開心到喺場館前跳起,話𠵱家狀態大勇。
Pat哥仲開心到喺場館前跳起,話𠵱家狀態大勇。

雷有輝於戲曲中心舉行嘅兩場《Pat Music Over Rainbow》音樂會,由今年8月等到12月,個期改了又改,去到11月中諗住「望見家鄉」開心到癲,特登帶《頭條日報》記者喺場館接受訪問,當時Patrick好開心:「終於開啦,好嘢!好開心,因為多咗幾個月時間畀我做預備,畀空間我磨練同埋優化吓歌單、仲有成個人嘅狀態。」

《Pat Music Over Rainbow》音樂會由8月改到10月,再押後至12月。
《Pat Music Over Rainbow》音樂會由8月改到10月,再押後至12月。
Patrick同Joey Tang曾經為《頭條娛樂》FB Page開live作個唱熱身。
Patrick同Joey Tang曾經為《頭條娛樂》FB Page開live作個唱熱身。

希望港人多留家抗疫
Pat哥承認演唱會由8月改到10月時的確好失落,心情如坐過山車:「因為嗰時覺得狀態最高峯,到10月演唱會第二次改期反而習慣咗唔太失落,都要為大家健康著想,因為疫症真係未離開,但我相信好似演唱會主題一樣,雨後先會出現彩虹嘛。」可惜計劃不似預期,個唱有機會第3次改期。他語帶平靜說:「呢刻有小小未知之數,但會照常綵排。收緊限聚令去到呢個月16號,個show可以趕得切嘅,我啱啱路過尖東海旁,望緊香港好好嘅海景,心諗『有兩個星期時間畀大家抗疫,如果大家遵守呢個防疫措施,多啲留家,咁就唔會受到感染,兩周後就可以嚟睇我演唱會喇,希望大家乖乖哋啦。』」被指創咗改演唱會期最多歌手紀錄,他無奈笑說:「呢啲紀錄真係多謝晒喇,希望有人破咗佢,我都唔想再改(期)喇!」

之前他拉埋太極隊友鄧建明去電台做訪問宣傳個唱。
之前他拉埋太極隊友鄧建明去電台做訪問宣傳個唱。
因為Patrick演唱會押後,連帶太極周年演唱會都順延,但好兄弟冇計,點都要讓路。
因為Patrick演唱會押後,連帶太極周年演唱會都順延,但好兄弟冇計,點都要讓路。
兒子係Patrick鐵粉,演唱會一定撐到底。
兒子係Patrick鐵粉,演唱會一定撐到底。
其他文章
hd