首頁 即時娛樂

【頭條獨家】開網上頻道拍片諷刺時弊 Ben Sir戴定頭盔搞創作

04/12/2020 00:28:00
Ben Sir喺疫情下冇停步,開《戲B》YouTube頻道,扮演唔同角色拍片諷刺時弊。
Ben Sir喺疫情下冇停步,開《戲B》YouTube頻道,扮演唔同角色拍片諷刺時弊。

諗頭多多嘅歐陽偉豪(Ben Sir)喺疫情下冇停步,正積極搞緊教育者聯盟,做中間人角色為社福機構招聘大學生精英。另外他又同楊秉基導演開《戲B》YouTube頻道,以故事短片形式嚟講社會話題,鼓勵大家逆境自強,當中有啲對白嗒落有味,令人會心微笑。採訪:方騫平

Ben Sir請來老友曾美華齊演《戲B》之《陰質教育:毋忘初心》。
Ben Sir請來老友曾美華齊演《戲B》之《陰質教育:毋忘初心》。
《我和空姐有個約會》由大裁員講到被解僱原因,令人有反思。
《我和空姐有個約會》由大裁員講到被解僱原因,令人有反思。

《戲B》由Ben Sir孭飛,過足戲癮,暫時播咗9集,超過18萬人收睇,當中有啲諷刺社會時弊,較敏感對白嗒落有味,好似《我和空姐有個約會》中「無能的人是無情無義的,對我們航空業開完刀,好快就會對老師開刀…」《陰質教育:毋忘初心》又講到:「報警仲危險啦!」

Ben Sir同曾美華喺《陰質教育:毋忘初心》中扮中學生,過足戲癮。
Ben Sir同曾美華喺《陰質教育:毋忘初心》中扮中學生,過足戲癮。
曾做過大學老師的Ben Sir同年輕人冇代溝,跟一班後生仔女曾淑雅、戴祖儀、林穎彤、鄭衍鋒好玩得埋。
曾做過大學老師的Ben Sir同年輕人冇代溝,跟一班後生仔女曾淑雅、戴祖儀、林穎彤、鄭衍鋒好玩得埋。

夾縫中表達訊息
不過,導演楊秉基就解讀話:「空姐條片帶出嘅訊息係無論經歷幾多挫折,最重要都係繼續向目標起飛,而女主角就係被炒空姐,佢有幫手做剪片設計,證明機會留畀有準備嘅人。」Ben Sir就話:「想拍啲貼地片,令人反思,但就唔會有敏感題材,想Ben Sir死咩!所以我哋會戴定頭盔,自我審查!喺夾縫中做創作先至珍貴,其實唔難拿捏,在乎互相尊重。」有份演《陰質教育:毋忘初心》的主播曾美華認為每日生活就係時弊,片中她同Ben Sir扮成中學生,一鏡到底拍攝,相當好玩。Ben Sir笑說:「其實我目標想做『最佳新晉演員』,最想有金主投資我拍學校題材嘅笑片,因為學校係社會縮影,暫時先按《戲B》忠旨『做好人戲,就有人氣,否則被人棄』,拍戲只係後話。」

疫情下Ben Sir出唔到外拍睇樓團,TVB安排他同黃庭鋒、林穎彤拍本地旅行團節目,介紹免費拍拖好去處。
疫情下Ben Sir出唔到外拍睇樓團,TVB安排他同黃庭鋒、林穎彤拍本地旅行團節目,介紹免費拍拖好去處。
Ben Sir同林穎彤及陸浩明去過日本拍睇樓團節目。
Ben Sir同林穎彤及陸浩明去過日本拍睇樓團節目。
Ben Sir同杜小喬、譚永浩做過音樂劇《我們的青春日誌2020》。
Ben Sir同杜小喬、譚永浩做過音樂劇《我們的青春日誌2020》。
其他文章
hd