首頁 即時娛樂

【頭條獨家】私底下勁老友助拍衝突戲 顧定軒陳卓賢打交唔留力

04/12/2020 00:30:00
Zeno和Ian幸好私底下勁老友,有助拍攝衝突戲,打交都可以唔留力。
Zeno和Ian幸好私底下勁老友,有助拍攝衝突戲,打交都可以唔留力。

顧定軒(Zeno)陳卓賢(Ian)最近在ViuTV劇《男排女將》首度合作,他們跟劇中演的排球員「King」和「魚仔」都有不少相似地方。劇中他們經常有衝突,但私底下他們勁老友,反而有助拍打交戲可唔留力,而本身曾是排球港隊成員的Ian,更直言拍劇比做運動員時更困難。講到最近參加《全民造星III》,Zeno認為是個難得經驗,自認跳舞唔掂的他更獲Ian即場過料。撰文:杜淑霞 攝影:李維隆 服裝:initial fashion(Ian)、 J uniqlo(Zeno) 場地:Nutshell Hong Kong

Zeno和Ian希望可以再合作,Ian更提議,「我哋一齊唱歌應該幾有趣,或者再一齊拍電影。」
Zeno和Ian希望可以再合作,Ian更提議,「我哋一齊唱歌應該幾有趣,或者再一齊拍電影。」
Ian的爆肌演出,原來下過不少苦功,而劇中他跟Zeno更有不少衝突戲。
Ian的爆肌演出,原來下過不少苦功,而劇中他跟Zeno更有不少衝突戲。




劇中Zeno演的「King」為成立排球隊相當瞓身,現實中Zeno中學時都試過,可惜唔成功,「但係真係冇諗過拍劇可以幫我圓咗個夢,完成咗一個遺憾或者缺口。」至於Ian的排球生涯同飾演的「魚仔」一樣被天份所累,「同『魚仔』幾似會走精面,反而係後期先至更加努力,我記得第一次選青年隊落選咗之後先開始更加努力。」

繼電影《藍天白雲》後,Zeno再跟鄧麗欣合作,好開心有機會跟對方有很多對手戲。
繼電影《藍天白雲》後,Zeno再跟鄧麗欣合作,好開心有機會跟對方有很多對手戲。
劇中Ian有感情戲,初次拍劇的他坦言好緊張。
劇中Ian有感情戲,初次拍劇的他坦言好緊張。




兩人都承認好彩夠friend先拍得衝突戲夠逼真,最難忘兩人大打出手,Zeno說:「我哋傾咗唔留力㗎啦!(Ian:要十幾個人拉開我哋)如果我哋就住就好核突,側邊啲人覺得你哋真係好想打,掹住我哋個力好大,其實我哋係傷害咗身邊嘅人。」Ian補充,「哈哈!肥仔喺後面秤住我,佢揭高件衫畀我睇,成個肚都紅晒,因為佢秤住我嘅時候我掙扎。」曾經是排球港隊成員的Ian,直言今次扮演球員反而更加辛苦,「喺場內場外都辛苦咗,首先場外,以前做嗰啲體力都係for打排球嘅能力去做,但係為套劇做gym完全係為咗身形,又要配合飲食,以前食嘢都唔會控制得咁嚴謹,今次真係好地獄式;至於場內有樣嘢難,以前係為攞分同贏比賽,打咗10幾年都係人哋攔網點避開得分,但拍嗰時人哋攔網要特登畀佢攔到,打落去隻手度。同埋拍劇唔會畀時間熱身,朝早6點開機就直接打,嗰陣時又凍,以前受傷啲舊患就會出番晒嚟。」




講到最近參加《全民造星III》,Zeno承認因自信不足反想藉着比賽磨練,現在連最弱的跳舞也有進步,「其實你夠信心,你enjoy人哋睇到唔覺得尷尬就得,已經叫贏咗。」當年參加《造星》跳舞同樣唔掂的Ian亦認同,有自信及花時間練習最重要。

Zeno最近參加《全民造星III》,已進身40強。
Zeno最近參加《全民造星III》,已進身40強。
其他文章
hd