首頁 即時娛樂

【頭條獨家】上節目講事業忽然爆喊 泳兒想作多方面發展

14/01/2021 23:00:00
泳兒的《溝渠暢泳》反應不俗,成為五台冠軍歌以及奪得新城「勁爆演繹大獎」。
泳兒的《溝渠暢泳》反應不俗,成為五台冠軍歌以及奪得新城「勁爆演繹大獎」。

泳兒早前推出歌曲《溝渠暢泳》,反應不俗,成為五台冠軍歌以及奪得新城「勁爆演繹大獎」。該歌曲是泳兒找來合作多年的填詞人周耀輝,為整年歌曲擔任概念指導,決定今年做一個暗黑的「溝渠」系列,但因疫情影響要下半年才能推出。提到她早前上ViuTV《晚吹-有酒今晚吹》,講到入行10年感受即爆喊,泳兒解釋飲酒後易喊,又認為可作更多方面發展。撰文:杜淑霞 攝影:李維隆 髮型:[email protected] 化妝:木子維納Vena 服裝:PhaseEightHK 場地:MANNER Club de Gourmet

泳兒配合歌曲暗黑風格,一改以往造型,更得到不少讚賞。
泳兒配合歌曲暗黑風格,一改以往造型,更得到不少讚賞。
在《溝渠暢泳》MV,泳兒要跟裸男相擁,她坦言起初有點尷尬。
在《溝渠暢泳》MV,泳兒要跟裸男相擁,她坦言起初有點尷尬。




泳兒今次嘗試走暗黑題材,她解釋跟周耀輝早已有此計劃,並非因疫情影響,仲預告這個系列壓軸歌曲會以病毒做主題,「周耀輝老師諗住寫病毒,但嗰時仲未有疫情,不過我哋講嘅病毒唔一定係病菌,可以係電腦病毒都得,但咁啱食正𠵱家呢個環境,估唔到會咁啱咁橋。」



對於歌曲有好成績,除了成為五台冠軍歌外,更剛奪得新城「勁爆演繹大獎」,泳兒好開心新曲風受歡迎,更透露一直都好鍾意暗黑風格,連平日也愛看這類風格電影,未來更想嘗試演繹這類角色,「我鍾意睇嗰啲神怪少少,一係就講人性,一係就有少少血腥,或者將來有機會都想嘗試吓演呢類角色。」除了演戲,她還希望未來可以接拍真人騷,令觀眾可以見到她不同的一面。

泳兒憑《溝渠暢泳》奪得新城「勁爆演繹大獎」。
泳兒憑《溝渠暢泳》奪得新城「勁爆演繹大獎」。
泳兒在《晚吹-有酒今晚吹》講到入行10年感受時爆喊。
泳兒在《晚吹-有酒今晚吹》講到入行10年感受時爆喊。




講到早前她在ViuTV《晚吹-有酒今晚吹》講到入行10年感受時爆喊,她強調並非感懷身世,「其實我每次飲完酒都會喊㗎!同埋娟姐(練美娟)又問得好好,其實我嗰時個腦係一片空白,我就隨着個心咁講。咁入行咁耐係未夠滿意個成績,我覺得一定可以更好嘅,但所有嘅表現都係人生經歷嚟,令自己將來可以再做好啲。」



談到跟髮型師男友Ziv拍拖9年,但38歲的泳兒仍未有結婚打算,她坦承兩人已同居多時有種老夫老妻感覺,而且她仍未想定會否生BB,但都會考慮先雪卵,「其實做父母真係好大責任,我都未ready做媽咪,但我應該會一步步嚟,相信唔會生咗BB先結婚。」

38歲的泳兒,跟髮型師男友Ziv已拍拖9年。
38歲的泳兒,跟髮型師男友Ziv已拍拖9年。
泳兒早前舉行《Live in Gutters》直播音樂會,找來師妹艾妮一起演出。
泳兒早前舉行《Live in Gutters》直播音樂會,找來師妹艾妮一起演出。
其他文章
hd