首頁 即時娛樂

【頭條獨家】為女轉性 唔揸辣跑棄食火鍋 郭富城一拖五趕晚市前速吞薯條

14/01/2021 21:00:00
城城一家早前出外用餐,眾人用了20分鐘速食薯條,在晚市禁堂食令前真係天王都冇面畀呀!
城城一家早前出外用餐,眾人用了20分鐘速食薯條,在晚市禁堂食令前真係天王都冇面畀呀!

一講郭富城(城城)就諗起辣跑和麻辣火鍋,事關他珍藏了多部名車作投資,仲誇張到打算開慈善展覽𠻹,而他熱愛火鍋的程度係試過一星期食足7日,可謂食極唔厭!不過自從2017年與方媛結婚,並誕下大女Chantelle(大寶)和細女Charlotte(二寶)後,為了方便載家人,昔日出入以跑車代步的城城都改揸5或7人車,日前趁周六Family day,他就駕着白色保時捷家庭車現身淺水灣,一身全黑Casual Look的城城與太太行完街後,便陪兩個囡囡、外母和家傭姐姐去西餐廳醫肚,惟礙於現正實行晚市禁堂食令,眾人只好用20分鐘速食薯條,真係天王都冇面畀呀!採訪:張詠森

城城在Coffee Shop買完杯熱啡,即在大街上除口罩邊行邊歎。
城城在Coffee Shop買完杯熱啡,即在大街上除口罩邊行邊歎。
城嫂去攞位,城城就陪囡囡和外母在餐廳外玩住等。
城嫂去攞位,城城就陪囡囡和外母在餐廳外玩住等。

55歲郭富城自升呢人夫兼人父後變「黐家男」,不單止經常將大女Chantelle和細女Charlotte掛嘴邊,現時更幾乎絕跡社交場合,一收工便趕回家湊女、陪愛妻方媛。上月仍於內地趕拍新片《我的爸爸不一樣》的城城,日前回港後趁唔使開工,便與妻女、外母及家傭姐姐落淺水灣,享受家庭樂。雖然貴為天王,但他都非常Down to earth,當日約傍晚5點,《頭條日報》記者發現城城一家在商場Shopping完後,步行到底層覓食,城城先在Coffee Shop買了杯熱啡,隨即在大街上除罩邊行邊歎,行到附近一間西餐廳時,「城嫂」先去攞位,城城就去陪坐在旁邊長椅的囡囡和外母。

出名是「火鍋控」的城城為遷就囡囡口味,陪大家去食西餐。
出名是「火鍋控」的城城為遷就囡囡口味,陪大家去食西餐。
1歲多的二寶要婆婆抱住餵食薯條,好得意。
1歲多的二寶要婆婆抱住餵食薯條,好得意。

貼地天王
其間街上人來人往,城城都未有介意途人目光,全程企喺度低頭同大寶傾偈,○氹囡囡開心。一見有位,眾人即移師店內坐低點餐,由於現時本港正實施傍晚6點後禁晚市堂食,他們只好兩個兩個隔住塊膠板坐,兼6個人點兩份大薯條,3歲大寶好叻豬識得自己拎薯條食,不過1歲多的妹妹就要婆婆抱住餵食,但咬咗一啖,二寶就皺晒眉頭擰晒頭,家傭姐姐即拎出豬仔水壺,服侍小公主;至於「城嫂」則不時四圍望,高度戒備,而城城掛住用叉拮薯條慢慢嗒,相當悠閒。極速於20分鐘內食晒啲薯條,搭正6點大家便起身走人,一步出馬路見到記者,兩公婆即禮貌向鏡頭Say Hi,其後城城獨自去取車,一班女人仔就在停車場等坐駕駛至便上車返屋企。

因為傍晚6點後禁堂食,所以城城一家都好聽話即刻埋單返屋企。
因為傍晚6點後禁堂食,所以城城一家都好聽話即刻埋單返屋企。
城城和方媛翹住手快步去停車場取車,兩個囡囡則由外母和家傭姐姐湊住。
城城和方媛翹住手快步去停車場取車,兩個囡囡則由外母和家傭姐姐湊住。
方媛拖住囡囡站在路旁等老公駛架車過來,紮住個「春麗」頭、仲褸仔跌晒膊的大寶Cute到爆。
方媛拖住囡囡站在路旁等老公駛架車過來,紮住個「春麗」頭、仲褸仔跌晒膊的大寶Cute到爆。
為了載妻女和外母,城城改揸白色保時捷家庭車。
為了載妻女和外母,城城改揸白色保時捷家庭車。
城城前年被傳媒發現揸黑跑駛經示威現場,原來是落街幫囡囡買尿片。
城城前年被傳媒發現揸黑跑駛經示威現場,原來是落街幫囡囡買尿片。
城城好鍾意食火鍋,經常約太太及老友去「滾」。
城城好鍾意食火鍋,經常約太太及老友去「滾」。
榮升兩女之父後,城城甚少出席社交場合,逢生日或過節必定陪家中3個情人度過。
榮升兩女之父後,城城甚少出席社交場合,逢生日或過節必定陪家中3個情人度過。
城城中秋時,跟妻女去行公園兼賞月。
城城中秋時,跟妻女去行公園兼賞月。
城城上月在內地趕拍新片《我的爸爸不一樣》時被粉絲「野生捕獲」。
城城上月在內地趕拍新片《我的爸爸不一樣》時被粉絲「野生捕獲」。
其他文章
hd