首頁 即時娛樂

【頭條獨家】做《諸朋好友》跟老友真情對話 41歲崔建邦放低枷鎖再起步

14/01/2021 22:40:00
《諸朋好友》訪問嘉賓老友,令崔建邦重新學會做人。
《諸朋好友》訪問嘉賓老友,令崔建邦重新學會做人。

崔建邦(Amigo)去年被力邀回巢,第三度返入TVB,今次更有份策劃製作節目《諸朋好友》,更有機會同張秀文角逐《萬千星輝頒獎典禮2020》的「最佳節目主持」,最終輸咗畀周柏豪及袁偉豪主持的《兩個小生去Camping》。對被指回TVB係收復失地,他帶笑謙稱:「都未有個地,點算叫收復?不過,做到一個節目令觀眾睇得開心,係開心嘅。」採訪:方騫平

41歲崔建邦坦言啱啱先學識做一個真正嘅主持人及男朋友。
41歲崔建邦坦言啱啱先學識做一個真正嘅主持人及男朋友。
宣萱、歐陽震華呢對組合令他體會到,好拍檔所產生嘅火花真係冇得頂。
宣萱、歐陽震華呢對組合令他體會到,好拍檔所產生嘅火花真係冇得頂。

崔建邦曾經被捧為TVB金牌司儀,可惜2009年因襲擊當時女友鄺敏慧形象受損被無線解約,2011年崔建邦自薦重返TVB並由助理編導做起,之後離巢發展,直至去年重返主持《諸朋好友》,跟嘉賓好友宣萱、歐陽震華、黃日華、苗僑偉、林國斌及方中信等真情對話,口碑唔錯。

崔建邦現任女友Jessica,唔止樣靚仲喺直資中學做英文主任。
崔建邦現任女友Jessica,唔止樣靚仲喺直資中學做英文主任。
華哥、三哥嘅兄弟情令崔建邦好羨慕。
華哥、三哥嘅兄弟情令崔建邦好羨慕。

從嘉賓身上學習
透過節目,Amigo坦言喺嘉賓身上學到嘢:「好似喺姜皓文身上,學會點去堅持,其實好難;華哥、三哥身上學會兄弟間嘅照顧,對另一半專一,係令我好嚮往;宣萱、歐陽震華間嘅默契令我好恨有個咁好嘅拍檔!希望之後都可以訪問到側田、張敬軒等。」Amigo透露有11年時間過得好驚濤駭浪,「由有事發生到做PA,直至返出嚟做主持,初期過唔到心理關口,好似帶罪之身,好多枷鎖,坦白係做得唔好,𠵱家做自己想做嘅節目,事業同感情叫啱啱起步,真真正正學識做主持同埋做一個男朋友。」問到有冇說話同舊愛講?他笑言,「咁又冇,其實我以前每一份感情都好認真,人生就係咁,尋尋覓覓嘛。」

當年崔建邦令「最佳女朋友」唐詩詠死心塌地,就算男友事業喺谷底都力撐。
當年崔建邦令「最佳女朋友」唐詩詠死心塌地,就算男友事業喺谷底都力撐。
2011年崔建邦自薦重返TVB並由助理編導做起。
2011年崔建邦自薦重返TVB並由助理編導做起。
用一年時間上擂台嘅打拳節目《我的志願》對他影響最大,令他重新面對自己。
用一年時間上擂台嘅打拳節目《我的志願》對他影響最大,令他重新面對自己。
重投主持工作初期過唔到心理關口,自覺當日主持《深宵美食團》做得唔夠好。
重投主持工作初期過唔到心理關口,自覺當日主持《深宵美食團》做得唔夠好。
其他文章
hd