首頁 即時娛樂

【頭條獨家】四中佬開咪做新城晚間節目 林子博為聽眾解困帶出正能量

18/01/2021 00:16:00
林子博首次挑戰做DJ,跟(左起)Henry、Colun、阿范全男班合作。
林子博首次挑戰做DJ,跟(左起)Henry、Colun、阿范全男班合作。

踏入新嘅一年,單親爸爸林子博要重新振作。於1月1日,逢周一至五晚11時開始,林子博(Bob)跟范振鋒(Ricky)、張顥霖(Henry)及黎奕倫(Colun)為新城電台主持兩小時新節目《Bibibala開大喇叭》,模式如同9年前由阿范、杜浚斌、阿Bob(林盛斌)、Sam嘅phone-in節目《新香蕉俱樂部》一樣,子博大笑說:「我都係Bob Lam,希望將來有佢咁嘅成就!」 採訪:方騫平

雖然Henry、Colun、子博、阿范係新組合,但一齊主持節目顯得相當有默契。
雖然Henry、Colun、子博、阿范係新組合,但一齊主持節目顯得相當有默契。
(左起)Henry、Colun、阿范、子博齊齊為新城主持夜間節目《Bibibala開大喇叭》,解決聽眾的感情及其他煩惱。
(左起)Henry、Colun、阿范、子博齊齊為新城主持夜間節目《Bibibala開大喇叭》,解決聽眾的感情及其他煩惱。

雖然林子博和生意人張顥霖都係處男下海做DJ,但有Ricky及Colun帶住,做得相當流暢,惟一係最初唔太知運作流程,有待摸索。子博對個人表現相當滿意,「我把聲辦識度高,一出聲都變得幾有氣氛。做主持同做DJ有啲唔同,做DJ冇咁多框框,鍾意講乜就講乜,話題闊啲。」

四個中佬主持的新節目,每晚探討不同話題。
四個中佬主持的新節目,每晚探討不同話題。
9年前許志安都做過《新香蕉俱樂部》嘉賓,接受主持人阿Bob、阿Ben及阿范訪問。
9年前許志安都做過《新香蕉俱樂部》嘉賓,接受主持人阿Bob、阿Ben及阿范訪問。

提到首集phone-in聽眾好爆,其中有位女聽眾話,新年願望最想離婚,最不滿老公要求她洗底褲。至於另一位女聽眾因為胸大,經常被朋友性騷擾。子博冇被嚇窒,還教巨胸女聽眾要嚴肅對待,必要時應該報警。他又爆以前喺電視台(亞視)做主持經歷,「某次男助導趁住我同一位上圍豐滿嘅女主持人傾談時,行來行去借意碰撞,女主持忍無可忍,喺製作部當住眾人前斥責PA話『點呀?彈唔彈手呀?』呢招勁呀!PA嚇到走都走唔切。」至於阿范話舊節目咁受歡迎,所以搵埋兄弟一齊做,但阿Bob去咗電視台,上咗岸好忙,不便打搞他。Colun笑言節目中大談感情問題,咁要搵「情聖」Henry喇!Henry尷尷尬尬話:「我結婚前都拍過幾次拖,有少少經驗啫!」子博希望透過節目發放正能量:「我都係一個人辦,我都可以過得到,應該產生鼓勵作用。」

太太董燕君去年離世,傷心過後,子博喺新嘅一年要發放正能量。
太太董燕君去年離世,傷心過後,子博喺新嘅一年要發放正能量。
子博成為單親爸爸後以子女排第一位,除夕夜車子女及囡囡同學去遊車河倒數。
子博成為單親爸爸後以子女排第一位,除夕夜車子女及囡囡同學去遊車河倒數。
林子博以阿Bob為發奮目標,撈到拍住天王黎明做嘢。
林子博以阿Bob為發奮目標,撈到拍住天王黎明做嘢。
阿范喺新城電台做咗27年DJ,對DJ工作相當熟悉,每個周末都同家燕姐及思敏主持《開心大派對》。
阿范喺新城電台做咗27年DJ,對DJ工作相當熟悉,每個周末都同家燕姐及思敏主持《開心大派對》。
其他文章
hd